مجلة عشاق الشعر الإلكترونية. .ممدوح حنفي
ياابو روح جميلة وعاجبانى روحك دى قمرة وساحرانى
لايهمنى شكل جمالى ومكياج يخبى امور تانى
طيفك ده نغمة فى اغانى وعسل مكرر فى وجدانى
وياما شفنا كتير وقليل حلوين فى روحهم او وحشين
الفكر يجمع بين قلبين ولسان يوحد بين روحين
وقالوها برضه فى الامثال طيور مشابهة تعيش فى سلام
ولا سن يفرق بين قلبين ولا لون بيخلف بين حبيبين
يعنى ده ابيض وشكله وسيم يحب سمرا بلون النيل
اوشقرا ساحرة بشعر حرير تحب اسود بودن كبير
لكن تألف بين روحين وبفكر يجمع بين قلبين هو اللى يفضل سنين وسنين
ويمكن بعشرة زى زمان تزيد اصالة مع العرفان
سبحان يجمع بين قلبين لا حد يعرف امتى وفين
الشكل قشرة تقل تزيد لكن اللى جوه وصاله اكيد
وحبيبى جواه فرحة عيد يجذبنى ليه ويروح لبعيد
وروحه جميلة بأحلى كلام بتزيد عزوبة مع الايام
وفى قلبى محفور له تمثال وفى نظرى فارس واجمل جان
ويمكن يكون ده كبير فى ودان لكن فى روحه جنان فى جنان
ويارب ياعاطى يامنان وفق قلوبنا لخير وسلام .
ساحة النقاش