كتب: فارس ربعي

حررت المواطنة "سوسن بكر" صاحبة الواحد و عشرين عاما محضر رقم (8325) ضد مركز "الدباح" بالوراق و مديرة الدكتور "فؤاد حلمي الدباح" ، صرحت سوسن لجريدة صدى مصر : انه في يوم 9 أكتوبر توجهت لمركز "الدباح" في منطقة "وراق الحضر" للولادة ، وعندما خرجت من العمليات دكتور "فؤاد" كان بيضغط علي بطني جامد ويدخل ايده ف الرحم وينزل كلاكيع وكتل دم ، ولما سألناه ايه ده قال بنضف كويس مكان الولاده وخرج وبعت الممرضات إدتني حقن كتير جدا تقريبا 16 حقنه .

وخرجت من المركز عنده في نفس يوم الولاده بليل وتالت يوم الولاده يوم 12 اكتوبر نزل كتل دم دفعة واحدة وكنت بحس اني في حاجه بتتحرك ف بطني و وجع شديد اتصلت علي دكتور "فؤاد" قالي عادي استمري علي المسكنات .
يوم 18 اكتوبر نزفت نزيف شديد جداً روحت مستشفي "ابو النجا" عملولي سونار و الدكتورة قالتلي إن الدكتور الي ولدني سايب بقايا من المشيمه ولازم اروح مستشفي تانية تنقذني عشان المستشفي مفيش فيها امكانيات .

وتتابع سوسن روحنا في نفس الوقت علي مستشفي "النيل" الدكاترة اخدوا مننا صورة السونار وشافوها وفضلت معاهم وعملولي سونار تاني وقالي في بقايا مشيمة وهحتاج ادخل العمليات اعمل كحت وتنضيف ، ودخلت العمليات وانا معلقه دم ومحاليل وخرجت من العمليات في غيبوبة والنزيف مستمر زي ما هو و دخلت في صدمة نزيف و قالوا النزيف مش هيقف غير لما يستأصلوا الرحم و دخلت العمليات في نفس الوقت و انا ضغطي 30 و الانيميا 4 و معلقه دم و انا في العمليات .

وتم إستئصال الرحم و ربط الاوعيه الدمويه و ربط الشرايين الموصله للرحم لوقف النزيف ، وخرجت من العمليات وانا في غيبوبة و صدمة نزيف .