<!--<!--<!--

الاستاذ / جمعة عطا


كنت مرة ماشى فى وسط الطريق
قبلت طفل .طفل كان باين علية انة برىء
ماشى لوحدة كان بيبحث عن صديق
فكرتة تاية قلت اسعدة
او حتى اعرف هو مين
مسكت ايدة وقلت له قول يا حبيبى انت ابن مين
قال انا ابن مصر
ابن التاريخ ابن السنين ابن الحضارة
انا ابن احمس بالامارة
انا ابن توت عنخ امون
ابن الفنون ابن العمارة
ابن بنات الاهرمات
اوعى تقول دى تاريخ ومات
انا هفضل اجمع فى الفتات
انا لسة عايش والى خلف
قال الحكيم انة ما مات

يابنى مقصدش الكلامدة
قصدى انت .انت تبقى ابن مين

قال انا ابن مصر
انا ابن نهر النيل
وعندى ليك مليون دليل
بص لونى .لونى قمحى
حس شكلى وشوف ملامحى
دنى كل زرة فجسمى بتقول إنى مصرى

طب يلا قول اسمك يا غالى
ولا بتقول الراجلدة مالة ومالى
طب تيجى اعتبرك اخويا
اوحتى عيل من عيالى
يلا قول اسمك ياغالى

بص ركز وانت تعرف انا ابن مين
ابن العرب والمسلمبن
ابن صلاح الدين
ابن الى كان يصرخ بصوتة
يهد عزم المعتدين
وكان يقول الله اكبر
الله اكبر فى وش كل الظالمين
كان بيفطر حب دينة
وانت تفطر بالمنين
كان بيتغدى ايمان مع اليقين
كان بيحلم انة بكرة يموت شهيد
كانت ارادتة من حديد
كان لما يسمع بالمعارك من بعيد
يشيل كتابة ويا سيفة
وكان يبان بأسة الشديد
قربت تعرف انا ابن مين
ابن بلال ابن رباح
ابن الى كان يجى علية الليل ما يستنى الصباح
ابن الى على ايدة غرور الظالمين ولى وراح
انا ابن سيف الدين قطز
الى بإيمانة وبيقينة على التتار جيشة انتصر
وفعين جالوت سبلنا اعظم اثر
كان العدو لما بيسمع صوت حصانة بينكسر
ولا اقلك. مش مهم انا ابن مين
المهم انا ابقى مين
لو بتحلم ابقى حاجة زيهم
علمنى حاجة من صفاتهم
وأنى ابقى واحد منهم
علمنى اقول الحق مخشاش الديابة
علمنى ارجع حق مغصوب مالغلابة
علمنى ان دى وطن
مش اننا عيشين فغابة
علمنى ان دى وطن
مش اننا عيشين فغابة
علمنى ان دى وطن
مش اننا عيشين فغابة