نويت ....
وانتي عارفه لما انوي
نويت اقطع كل كلمة
كتبها قلبي ....
نويت اقولك مش ح اخبي
انك انتي كنتي حبي
وحلم طاير ف السما
ياما حلمت بيه انا
كنتي انا
وكنتي لما تبصي
الاقي نفسي ف نن عينك
وجوه حضنك تاخدي همي
تقولي مالك ....
كله اتنسى ؟
زي النهار لما يطويه المسا
كله اتنسى ؟
................
قوليلي انتي ....
لسه فاكره اما اتقابلنا
ع البلاچ ؟ 
الشعر طاير والضفاير محلولين
والشفايف مضمومين
وكأن طفله عايزه صدر امها
كله اتنسى ؟
...................
لكن خلاص ان الاوان
ونويت اقولك ..
ان حبي انتهي
واللي كان جوايا فكره
يجي بكره تتنسى
زي النهار اما يطويه المسا
نويت اقولك مش ح اخبي
وانتي عارفه لما انوي
....................

سامى محمود حنفى