حبيبي
هفضل أقولها سنين و أيام
و أحضن قلبى لجل ينام
نفسى أصالحك لو زعلان
و أحضن روحك زى زمان
..
حبيبك
طارق
--
الله
يفضل طيفك فى الأحلام
مهما تغيب و لا تنام
أحضن قلبك لو زعلان
و أرجع أقولك أحلى كلام
جاردى
--
أنا من روحى كتير زعلان
دايما شاردة مع الأحلام
ترجع تانى بسرعة قوام
وتتحدانى و أنا إنسان
بغلط آه .. و أبقى شيطان
وأرجع أصالح الأيام
ويصحى ملاكى بالإحسان
حبة حب و شوق و حنان
هيخلونى أبقى تمام
طارق
--
روحك روحى لو غرقان
أفدى عيونك مهما يبان
منك قسوة يا إنسان
أهديك حبة شوق و حنان
يروى قليبك م الحرمان
يسبق شوقك بالأحضان
يا للى قليبك دوم عطشان
دوق و اتهنى تبقى تمام
جاردى
-----
حبة ود و حبة ود
لما عملنا منها العقد
أوعى تشد و أنا أشد
يفرط منا يروح الأرض
طارق
----
يوم ما تشد قلبى يمد
يطرح تانى عروق الود
نكتب بيها أجمل عهد
يبقى علينا سنة و فرض
جاردى
بقلم الشاعر
طارق العيسوى
مع جهاد نوار gardian elnil
26 ديسمبر 2016