ورد
 
كنت ابتديت انسى القصص
 
وتضيع حكاوى الشوق واضيع
 
وارتاح من الأغانى ... بس
 
الله يجازيه بقى الربيع
 
خلانى من تانى
 
أرجع لأحزانى
 
أرجع وافكر فيك
 
وحياة حبابى عينيك
 
نسينى وانسانى
 
أقول قالولى إيه عليك
 
روحى وعينيه وقلبى ده
 
قالولى من بصة عينيك
 
ما قدرش اعيش بالشكل ده
 
دنا حتى م القُصه
 
مش من كمان بصه
 
بتعدى منى سنين
 
معرفش فيها انا مين
 
وسنين كمان لسه
 
تعرف تجينى تخلى عمرى
 
فى حضن إيدك من جديد
 
وتعيدلى لحظه بكل عمرى
 
وتعيدلى ليلة أحلى عيد
 
ليلة ما كنا اتنين
 
عايشين ف أحلى سنين
 
بانسى المكان لو إيه
 
وارجع وابص عليه
 
ألاقينا فيه واقفين
 
لفيت بلاد غير البلاد
 
وقلبى خدته معايا ليه
 
دوقته طعم ميت بعاد
 
عرف يفَّرق ... والا إيه
 
لو قلت حتفارق
 
دلوقتى مش فارق
 
لو السنين مُره
 
وعشت ميت مره
 
معقول حتتدايق ......................................................
موقعى الشخصى على الانترنت رابط
http://www.hossamelokdah.blogspot.com/