اطلعى
 
إطلعى ... أرجوكى إنك تطلعى
 
إطلعى واياكى أبدا ترجعى
 
إسمعى خلىَّ العروق يمكن تروق
 
لو سمحتى ... زى ما سكنتى اطلعى
 
............
 
إطلعى منَّى ما بين الجفن والننى
 
إطلعى بحروف كلامى
 
واقلقينى من منامى
 
ريحينى يا ألف سهم بوهم صَيَّبنى
 
.............
 
اطلعى من قلب تنهيده رشرشى العالم جنون
 
دوقيه نسمة هوى جديده وابعدى يمكن اكون
 
مستعد اخلق لصوتى تانى صوت لو تسمعى
 
إطلعى لو كنت من غيرك هموت بس اطلعى
 
..............
 
اطلعى برَّايا وكفايه
 
إللى مالى هوايا جوايا
 
لملمى كل اللى ليكى
 
وبلاش بصة عنيكى
 
واطلعى .
.....................................................
موقعى الشخصى على الانترنت رابط
http://www.hossamelokdah.blogspot.com/