إزاى
 
الشمس ليه لسه مصره ع السكوت
 
وتنسى طول الليل وترجع تشرق
 
ترجع تعيش برغم ألف مره تموت
 
قبل اما تغرق لو ثوانى ... تبرق
 
صحيح مخيف دمع الشتا ف قلب الرصيف
 
يخلى فرح الصبح يحزن ... وياه
 
وحزن إيه والحزن ليه لو ليله صيف
 
عدت عليه بضحكتين ينسى الآه
 
وعمر م السمان هناك شاف الأمان
 
ويروح ويرجع باللى بيروح منه
وهو هوه باللى كان جواه زمان
 
يحدف كمان فوق المراكب سنُه
 
ليل القمر عمال بيبدر فى النجوم
 
طب بس فى الآخر يبان ليه باهى
 
وليه يكون الكون معاند كل يوم
 
وازاى نكون احنا كده ... والله
......................................................
موقعى الشخصى على الانترنت رابط
ttp://www.hossamelokdah.blogspot.com/