والسلام 

----------

مستحيل كان يوم أفكر بالغرام 

بس قربك خلى بينا الإنسجام  

ليه تقولي الحب شيء جاك فـ  المنام  

والحكايه يادوب كلام من دا ودا 

-  

ريحيني وفسري  معنى الكلام 

بس لو كان تسمحي من غير ملام   

وضحي عني وعنك بالتمام  

لما كنا فـ البدايه وكات رضا   

-

قلتْ إني بقيت متيم ... قلتها 

والغرام اللي فـ قلبي ملوش مثال 

قلت إني بقيت بَحِبك ... عدتها 

حب صادق والملاوعه مفيش مجال 

-

وانتي قلتي وكلمه كلمه ماتتنسيش 

إني جوا فـ قلب قلبك  من زمان 

والغرام اللي مابينا ماينتهيش  

يكفي إني بحس جنبك بالأمان 

-

قلت كلمه وقلتي كلمه وراحوا فين 

الكلام اللي بدأنا بالوئام 

لما رحتي وناسيه حبك إنتي مين 

كنتي ناسيه ولاقلبك كان زحام   

-

صدقيني كنت صادق وقتها 

كنت حاطك جوا قلبي وكان هيام

كنت عاشقك من صميمي وعشتها 

بس حظي وجاي أودع والسلام

------------------------------------

بقلمي 

الشاعر هشام عوض 

الثلاثاء

12 - 01 - 2016 م