كدابين  

--------

يقولوا الحظ متكركب 

وانا قاعد وبستعجب 

وإيه برجك هنكشفها  

نشوف بختك وما بيكدب 

-

هتيجي عليك وهتشوفها 

سنين مـ الخير ولاتحسب 

وحالة القلب نوصفها 

أكيد  هتحب مين ترغب 

-

كمان فـ الصحه نعرفها 

يومين هاتعاني وتجرب 

يجيك الضغط بظروفها 

وحتى القلب راح يتعب 

-

وعيش الدنيا ماتخافها 

دي راح تتحل مابتصعب 

يقول ع الناس واحوالها 

كلام بالكلمه مترتب  

-

دا أصل الناس دي راس مالها   

على خداعكم  بتتدرب

وإن بصيت لأحوالها 

حياتها خراب ومتركب 

-

شيطان ساكن وفـ عقولها 

وكل هدفها تتقرب 

وكل القصه  وفـ بالها 

هتاخد كام وراح تهرب 

-

ورب الكون وكان قالها 

كلامهم كدب لو قرب 

وعند الله بأوها 

وكان مكتوب ليوم تغرب  

-

دعيت يارب عدلها

دعيت ربي وبالمغرب 

طلبت الرحمه سهّلها

رجيت عفوك ولاتغضب 

------------------------

بقلمي 

الشاعر هشام عوض 

الاتنين 

11 - 01 - 2016 م