اجزاء الكمبيوتر بتتكلم

لو تخيلنا ان اجزاء الكمبيوتر بتاعك بتتكلم

ياتري هايبقي دة الحوار؟؟؟
.

.
الرامات: إلحقنا ياريس بروسيسور هانفطس م الحر والواد مش بيرحم

البروسيسور: الله يحرق الفيس واللي إخترع الفيس
ماهو طول ماهو قاعد هيء وميء ولايك مع دي ودي عمره ماهيزهق

الكيبورد: كسر زرايري بصوابعه منه لله

الماوس: أومال أنا أقول إيه؟؟
دا كل مايشوف بوست بتاع بنت يركبة عفريت وهاتك يا خبط عشان يعملها لايك
بس أنا كماوس؟ ببقى مبسوط :)

الشاشة: شكلك وحش أوي يا ماوس ههههههههههههههههههه

الماوس: خليكي إنتي على جنب دا كل ماتيجي أدامه صورة بنت حلوة يبوسك انتي ولا بتفتحي بوئك
لو تكهربيه ونستريح؟ أو تفرقعي في وشه يروح يجيب لاب ويعتقنا؟

الويب كام: أنا بقى اللي مكتوب عليا أبص ف الخلقة دي كل شوية
دا كل مابيفتح فيديو ببقى عايزة ألف وشي الناحية التانية

المايك: ولا صوته يا أختي.. صدااااااع ومسرسع

المازر بورد: محدش سامع صوتك يعني يا سي هارد؟! دا انت أووس البلاوي كلها

الهارد: بس سيبوني ف حالي أنا فيا اللي مكفيني
تدخلوا برتيشن فيا تحسوا انكو ف روتانا سينما
وبرتيشن تحسوا انكوا ف جامع
وبرتيشن تحسوا انكو ف ستاد
ولو دورتو في الملفات المخفية يا خررراااابي قلبكوا هايتقطع ع البنات المساكين اللي مش لاقين هدوم

السي دي روم: ماتلومش الا نفسك ياهارد

الهارد: وانا أعمل ايه؟؟ أنا اللي بقدر عليه إني أعمله باد سيكتور كل فترة عشان أسقطله ويندوز
بتيجي على دماغك إنت ويحط فيك السديهاية ويسطبها تاني، وماينوبناش غير إعادة التعريفات

الشاشة: يلا ندعي كلنا ع الروتر يولع
ساعتها مش هيبقى في نت ويرحمنا بقى

الكيسة: بس بس حرام عليكي
لو الراوتر باظ هايروح يجيب يو إس بي مودم ويحطهولي فـ ....... إحم أحم.. بس خليني شايلة الهم وساكتة
كفاية هاريني فلاشات اشكال والوان

الصب: قلبي عندك يا أختي ههههههههههههههههههههههه

الكيسة: خليك إنت ف الأغاني الهابطة اللي بيخليك تغنيها وانت ذي الجزمة

الصب: أوباااااااااااا.. ليه الغلط بقى؟!

الشاشة: بس إسكتوا إنتوا هتتخانقوا؟!
إستنوا الولية أمه جاية يمكن تخليه يقوم يذاكر ويرحم امنا