من رقة صدرك آه ياني
و جمال براويز
و فرولة ثغرك عجباني
و عسلها لذيذ
و برمش عيونك سحراني
يا ابو طبع عزيز
نفسي اكتب حضنك عنواني
في هواك تلميذ
*****
لما المح رمشك يتمختر
العقل يروح
و القلب ف حسنك يتعتر
و يصير مجروح
على طبع الروعة الله أكبر
يا حبيب الروح
******
و حياتي معاك حلوة جميلة
و لا يوم أنساك
في هواك لا أعذار و لا حيلة
تحرمني رضاك
من نظرة عين روعة كحيلة
أنا تهت وراك
******
لو تبعد عني ف يوم تهجر
أنا بعدك أموت
و الدم ف قلبي دا يتخثر
و لا يمكن يفوت
يا ابو وجه جميل بعيون سكر
على قلبي تشوط
******
الورد يغير من لمس أيدك
ملمسها حرير
و ضياء البدر ف نور جيدك
و الشمس تغير
و لا هم أنا غير شحن رصيدك
و كروتنا كتير
******
ما بلاش بدلالك تعاندني
و كفاية خصام
معقولة بعنيك دي تهددني
بطل إجرام
مين غيرك يقدر يسعدني
دا البعد حرام
