عند شجر المنجة شفت أحلى بنات
صوتها عزف كمنجة ساحر النغمات
شافها رمشي و عقلي فيها هج ومات
قلبي ثار و زعق لي هي دي الستات
*****
مر سحر طرفها وقعت أنا من خجلي
لما عقلي وصفها قلبي طب ف رجلي
آه يا مين يخطفها لو هياخد أجــــلي
لو توافق أخطبها لأبيع حماري وعجلي
****
عند شجر المنجة شفت أحلى بنات
صوتها عزف كمنجة ساحر النغمات
شافها رمشي و عقلي فيها هج ومات
قلبي ثار و زعق لي هي دي الستات
****
بصت لي نظرة بعينها أنا قلت أخد الوسطى
و الطرح كانوا خالعينها و الشعر مبسوط بسطة
وروحي في نار ولعينها عياطها وصل الوسطى
إنا قلت أمتي أعينها قالت دا بعدك يا أسطى
****
عند شجر المنجة شفت أحلى بنات
صوتها عزف كمنجة ساحر النغمات
شافها رمشي و عقلي فيها هج ومات
قلبي ثار و زعق لي هي دي الستات
*****
رحت ألاغي التانية شفت أجمل غيـــرة
بالعيون و ف ثانية رمت لي كدا تكشيرة
قلت اسمك رانيا قالت لي لا دا أميرة
قلت هــي الــدنيا و الدلال ليه حيرة
****
عند شجر المنجة شفت أحلى بنات
صوتها عزف كمنجة ساحر النغمات
شافها رمشي و عقلي فيها هج ومات
قلبي ثار و زعق لي هي دي الستات
*****
صوت كناري وصل لي قالت لي عيب يا أبو شال
ما عرفت إيه يحصل لي من الروعة قلبي أتشل
و ندرت أصوم و أصلّي و أروح بأحلى مشال
في قلبي باع و فصلّي ليه سارقه يا نشال
*****
عند شجر المنجة شفت أحلى بنات
صوتها عزف كمنجة ساحر النغمات
شافها رمشي و عقلي فيها هج ومات
قلبي ثار و زعق لي هي دي الستات
*****
عند شجر المنجة ندهت على البستاني
طلع ف يمينه طبنجة و صديري صوف بستاني
انا قلت ما فيه منجا و جريت على البوص تاني
قالت له وحل السكك عفر على فستاني
****
عند شجر المنجة شفت أحلى بنات
صوتها عزف كمنجة ساحر النغمات
شاف رمشي و عقلي فيها هج ومات
قلبي ثار و زعق لي هي دي الستات
