كفاية يا قلبي





مش كفايه كده خلاص
يا بو قلب طيب وحساس
مش كفايه كتر الزعل
وشماتت كل الناس

كلمني ياقمر بعنيك 
ابعتلي إشارة بإيديك 
إديني منك شوية أمل
خليني طاير حواليك

بلاش تقطع يوم بيا
وتخلي الدمع بعنيا
كفايه كل اللي حصل
ليه بس تزود بالأسيه

ياما فرحنا وياما زعلنا
وياما بعديها إتصلحنا 
قولي طيب ايه العمل
وإزاي أداوي اللي تاعبنا

كفاية ياقلبي وحن عليا
دنتا يا قمركلك حنيه
كفاية تقل وكفاية زعل
ماتبقاش انت والزمن عليا

يا قمر حن يا غزال ورق
انا غلطان ومعاك الحق
بس كلمني مره يا عسل
دنا حطيط صوابعي بالشق

طب كلمة ولو حتى إبتسامه
ولا نظرة رضى تبقى علامه 
دنا عقلي بعدك فصل
محتاج كلمة ياحلو يابو شامه






 الشاعر 
فهد بن عبدالله الصويغ 

 

 

 

 

 

 

fahadalsuwaigh

مرحبآ بك بمجلة بشرى الأدبية الإلكترونية Bouchra Electronic Literary Magazine

  • Currently 0/5 Stars.
  • 1 2 3 4 5
0 تصويتات / 38 مشاهدة
نشرت فى 29 سبتمبر 2018 بواسطة fahadalsuwaigh

ساحة النقاش

مجلة بشرى الأدبية الإلكترونية 99

fahadalsuwaigh
مجلة أدبية ثقافية تهتم بالشعر الفصيح المعاصر و القديم , وتهتم بتقديم أجمل القصائد الغزلية والوطنية والدينية وقصائد المديح النبوي الشريف . »

ابحث

تسجيل الدخول

عدد زيارات الموقع

80,522