جارى التحميل
استخدم زر ESC أو رجوع للعودة
الحب
بحب الناس وبحب ضحكهم
بحب كلامهم ورقة قلبهم
بحب أشوف الفرح في حياتهم
ودموع الحزن بتبعد عنهم
بحب الكلمة الحلوة للفقير
ومسحة رأس طفل يتيم
بحب الدنيا بعيون الصغير
وبعيون القوي لما يكون حليم
بحب الوفا والجدعنه والإخلاص
واللي يدافع عن بلده بحب
بحب صدق الكلام بين الناس
ورفع الهم عم كل قلب
بحب نكون أمة واحدة قوية
بالحب نعمر ونبني بلدنا
ما بحبش أشوف عيون شقيه
بتدمر وتأزي قلوب ولادنا
بحب الخير وبحب عمايله
وبحب أكون إنسان حقيقي
أشكر ربي على كل فضايله
عشان ينورلي كل طريقي
بحب أكون بين الناس متواضع
وأنسيهم همومهم اللي بتوجعهم
بحب أكون للضعيف خاضع
وأوقف بحب وبقلبي أسمعهم
ياريت الدنيا تعيش بالحب
حتلاقي الفرح دايمآ قدامنا
مانقولش مستحيل وصعب
عشان نقدر نحقق أحلامنا
الحب نعمة للي يفهم معناه
راح يوجعكم لو بعدتوا عنه
بالحب ياناس خلقنا الله
دحانا يا خلق حته منه
تعالوا نحب بعض ونتحب
من غير غش وخداع وغيره
إزرعوا الحب جوه القلب
عشان نعيش من غير حيرة
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش