مجلة بشرى الأدبية الأليكترونية – الشاعر والأديب الكبير / صائغ القوافي - قصيدة : بليلة أحد

 بليلة أحد 





بين كل الناس 
وبالحفل البهيج
نظرتها بإحساس 
فاق كل الضجيج

شفت إبتسامتها 
ونظرة عيونها 
حسيت بفرحتها 
وأغمزتلي بجفونها

لقيت نفسي وحيد
وكأن مابقربي أحد
حسيت بدنيتي عيد
وانفتحلي باب السعد

ناظرتها وطولت بالنظر
وهي من بعيد تناظر
حاشى ماهي من البشر
لو تأمرني لجلها أغامر

مشيت بدربي ولهان
أفكر إشلون بلقاها 
عندها توقف الزمان 
وصرت طير بسماها

حسيت أنها كوني
و ان الشمس بإيدينها 
صارت قمري وعيوني 
من نظرة صرت بيمينها

تلون كل شي قدامي 
والطير صار له معنى
صارت نجمة أحلامي 
ليتها تحقق لي ما أتمنى

من عطرها تعطر الورد
والشمس من نورها تضوي
قابلتها بليلة حد
ولون القمر صار يغوي

حركت مافيني قد مات
اللي ماحسبته بيكون 
حركت فيني الأهات 
بنظره حبيتها بجنون

ماهي مثل البشر ياناس
ولا مثلهم لا مشت
هي زينة الجلاس 
تسحر قلوب لا حكت

دخليكم دلوني بيتها
ضاع العقل من نظرة
بمحبوبتي اللي لقيتها
والقلب إلتقى عطره

حسبت سندريلا خيال
لين جاه موعدها وراحت
حبيت من للحسن مثال
من بعطرها علي فاحت

أكيد مثلها تحب الوفي
وتعشق كثر الدلال
خبروها إني وفي
وإني أعشق الوصال

بالله عليكم لا تخذلوني
دلوني عليها بالحال
بالله عليكم لا تعذبوني
ترى القلب في حبها مال




صائغ القوافي