جارى التحميل
استخدم زر ESC أو رجوع للعودة
خد بالك
خد بالك من البنات
و حاسب من عينيهم
دي نظرة من سكات
وبثانية حتبقى في إيديهم
بتبدأ بإبتسامه وكلمة
بإسم الحب و الأشواق
تنزل يا عيني من القمة
وتبكي و تقول مشتاق
إتعلم من دروس الناس
و إوعى تطب يا غشيم
دا الحب وجع راس
نهايتة نار و عذاب أليم
فكر قبل ما تتهور
خد النصيحة دي مني
بكرة حتتكعبل و تتعور
وتغني أه ياليل يا ظالمني
بشوقك جرب وشوف
بس ماتقولش ما نصحونيش
إعقل إعمل معروف
دي زي الحرية مفيش
خد بالك وفتح عينيك
دول عاوزلهم الف مخ
ماتصدقش اللي حواليك
دول قلبهم مشروخ شرخ
عايزينك تشرب نفس الكاس
اللي شربوه من البعد
عايزينك زيهم كده محتاس
ولا حد أحسن من حد
شوف حالتي و إفهم كلامي
داه صنف تاني حياته غيره
دنا نسيت أحلى أيامي
وبأكلم نفسي من الحيره
صائغ القوافي
مرحبآ بك بمجلة بشرى الأدبية الإلكترونية
Bouchra Electronic
Literary Magazine
ساحة النقاش