خبريني يا دار
خبريني يا دار عن كل أمجادك
خبريني عن أرضك وعن أولادك
شعبك إللي عاش عمره كريم
وأرضك اللي حماها ربي العظيم
خبريني عن شهامة شعب جسور
مايلين ولا عمر يوم قواه تخور
عن فروضك الخمس بكل دار
وعن رعايتك للصديق والجار
علميني إشلون نجمك بالسما يلالي
وإشلون راسك فوق شمسك عالي
خبريني عن سلمان قاهر الإرهاب
وولي عهده محمد زين الشباب
علميني إشلون شعبك دوم جبار
و في أشد المحن صعب ينهار
إشلون صار للوفاء تاج و ميعاد
وإشلون حافظ على عهد الأجداد
خبريني يا دار و علميني إشلون
شعبك الوفي بالوفا يقدر يصون
قالت : من فقد داره فقد كرامته
وشعبي تعلم بحكمته وين سلامته
شاف الخيانه وعرف قدر الوفا
حفظ الأمانة وعاش عمره بصفا
من خان داره أتقل مقداره
ومن ضر جاره إنهدم معماره
جبال طويق تشهد لمجد شعبها
ومن تحداها رمته بصخرها
شعبي يا سائل .. للكرامة فخر
ما تعود الذل .. ولا يعرف القهر
من تحداه عن الكون يزول
تربى بأرض مكة و بأرض الرسول
تاريخه يشق سما الكون أمجاد
ماهي سوالف لكنها جند وعتاد
هذا الخبر اللي تبيني عليه أجاوب
دار الفخر و الشبل فيه محارب
الصبر بأهل الدار تراه حكمة
لا هو ضعف ولا شيمهم النقمة
دار تزينت من سماها لين أرضها
تحمل الأمجاد بطولها وعرضها
سلام للي يعشق أرضي وداري
سلامي مجد أعلن به دوم مساري
صائغ القوافي
ساحة النقاش