مجلة بشرى الأدبية الأليكترونية الشاعر الكبير / صائغ القوافي - قصيدة : هجرك حلال

 هجرك حلال 




تصدق ماعاد يهمني
قربك ولا وبعدك
ولا عاد زعلك يهزني
حلال فيك هجرك

حبك نسيته من زمان
من يوم عرفت غدرك
نسيت الوقت والمكان 
قبل أنسى قدرك

لا دمعك صار يفيد
ولا كثرة الحلفان
ببعدك قلبي سعيد
وبقربك دربي هوان

حبي لك كان غلطه 
وشعوري عدلته بثواني 
قلبي اللي زمان حركته
تأكد إنك ظالم وجاني

لا تحاول ثاني تعتذر
دربك ماهو عاد دربي
لا تحمل خطاك للقدر
مثلك مايستحق قلبي

ترى هجري لك حلال 
خلي اللعب يفيدك
خل الوصال لأهل الوصال
قلبي بإيدي ماهو بأيدك

خلك بدنياك بعيد عني
ما عاد يفيد الندم
لا أجرحك ولا تجرحني 
كفاني أيامك كانت ألم





صائغ القوافي