يا حبيبتى

شايفك جوه البحر

محتارة

راكبة مركبة

والبحر هايج

والموجة غدارة

بتفتشى فى قلبك

عن فارس يكون مغوار

يهديكى قلبه

الحنين

ويشق سيفه الليل

يحوله لنهار

ملايين بتحلم

يكونوا فرسانك

يضحوا بالغالى

ليكى وعلشانك

بس الكل مستنى

نظرة وإشارة

لجل الحقيقة تبان

فى سكة غدارة

مليانة بالمجاريح

بينادوا يرجع صداهم

العتمة قفلت بيبان

متربسة بمفاتيح

بس الضى لازم جى ّ

ماسك فى إيده الأمل

بعلامة وأمارة