مالك يا قلبى ليه كده مشغول بتفكر فى مين

إياك تكون بتحب تانى جانا قوللى إزاى منين

ولا قوللى قبله فينه الأولانى قلبى قول وديته فين

هو بسهولة كده تنسى اللى كان

تنسى اشواقك هنا وذكرى المكان

يا ترى إحساسى بيه حب فعلا ولا كان شئ م الخيال

والسهر وأشواقى ليه والحنين والإنشغال

كل دول كانوا وهم معقول عايشة فيه

عينى لما تشوف عينيه واشتياق إيدى لإيديه

قلبى لما كان بدقاته الكتير ينده عليه

حبى والعشق الكبير والشوق إليه

كل دول كانوا وهم معقول عايشة فيه

لا يا قلبى

أوعى تنساه أو فى يوم تسلى هواه

دى الوحيد اللى أنت حبيته فى حياتك

دى الوحيد اللى أنت حاسيته فى سكاتك وفى أهاتك

فى إبتساماتك وفرحك كان كتير بيداوى جرحك لا يا قلبى