حلم الشهيد قلم محمد حسان
**********************
شوفت دموع متشعبطه
ف حبة رموش
وغزاله بيضه منقطة ماسكه ف اديها
عودين ريحان
وملايكة طايره ف السما معاها مسك
بترش المكان
وضحكة صافيه مرسومة
على كل الوشوش
**************************************
وست واقفة بتوبها الأبيض والزينة
داير مايدور
بعنيها شايفه زفاف عريس
وجنه وحور
واقفة تنادى من بعيد
فين الشهيد
ضنايا ساكن ف الوريد
وطاقة نور
**************************************
قربت منها أضمها
وأقول لها ابنك هنا
عايش في حلم جميل
عايش ف جنة ربنا
اتبسمت وقالتلى يابنى نفسي بس
أخده في حضني
وقوله كلمة كنت بقولها له زمان
ليه يواد عايز تسيبنى
**************************************