( اطمني)
لو بينك وبيني بحور
أو حتي سدود و جسور
هعديها
ولو اتكسرت كل شروعي
هجدف بالامل واطويها
أطمني
هنوصل لبر الشوق والامان
وهترسي مركب حبنا في
مراسيها
أطمني
انا الي بيني وبينك انتي حب
مش كلمه تتقال لحظه وداع
وعمر عدي سنين طويله
حسيت فيها ب الضياع
أطمني
انتي روحي وانتي عمري
انتي شمسي وانتي قمري
لا مش ممكن عني تغيبي
أطمني
هكون ليكي كتاب مفتوح
هكتب فيه حروف إسمك
هكون نغم لألحانك
أطمني
هتكوني أميرة لكل زمان
هتكوني ورده في البستان
أطمني
من غيرك إنتي ايه أكون
ياحب عمري
القلب بيكي أصبح مفتون
بلاش من تاني الظنون
واطمني
............
بقلمي /فرج برعي ابراهيم