(لحظة غروب الشمس)
============
لحظة غروب الشمس
ساعة سكون الليل
مابين الموج والهمس
(افتكريني)
وافتكري ذكريات كانت مابينا
ذكريات كانت جميلة
بحلوها وبمرها ماتتنسيش
وافترقنا غصب عنا
وذكرياتنا جوة منا
مابتنتهيش
افتكري اول مرة اتقابلنا
بنظرة من عيونك
وابتسامة من شفايفك
يومها قلبي ماكنش عارفك
ايوة ماكنش عارفك
لما صابني سهم رمشك
حبيت معاكي الحياة
واتمنيت لو الف عمر قد عمري
جنبك اعيش
كونتي ليا طوق النجاة
(ماتنسنيش)
ماتنسنيش حتي في
حلمك وفي خيالك
لما طيفي يزور منامك
حطي ايدك ويا ايدي
جوة حضنك احضنيني
وبكلمة حلوة من شفايفك
قولي غنوة وسمعيني
رجعي شريط عمري الفات
هاتي كل الذكريات
واحلمي ان الي غايب يوم هيرجع
لسة عايش جوة قلبك
ليوم الممات
بقلمي farag alshaer