يا ريت نفوق

سامع ساعة الفجر أدان
عمال يصرخ ع النعسان
فيه ناس فاقت م الغيبوبه
وناس لساها ف التوهان

امتى نفوق ونبص لفوق
ولا عجبنا لف الطوق
يا اللى تحب تعيش انسان
حب الدنيا ..الدنيا تروق

قمر الليل من غير سهران
عايش كده ف السما حيران
نفسه يطل ع العشاق
نفسه ف حُب وشوق وحنان

شمس نهار ع الكون بتطل
شايله معاها عُقدين فل
لبسه الطارحه وشايله الفرحه
وسط الكوشه حاضنه الكل

احلم مره تعيش ف الجنه
وابدر فيها الشوق واتمنى
تلقى الجنه ملك ايديك
وسط ايديك تلقى الحِنه

بتراب وطنك حنى ايديك
خليه كُحله ف رمش عنيك
تلقى الفرحه بتستناك
تلقى الدنيا تقول شوبيك

كلمات / رضا ابو الغيط

أعجبني