....... ( بين شطين ) .....
قلبي يا قلبي يا تايه بين شطين
محتار ليه يا قلبي محتارة ليه يا عين
اختاروا اي شط .... العب وافرح ونط
وإياك تختار تعط ... او تبقى بين وبين
------------------------------------------
قلبي يا قلبي محتار وسط موج
اركب سفينتك يا قلبي واختار سكة خروج
اختار سكة سالكة .... تودي لاحلى ملكة
تربطها باغلى شبكة ... تربطها برمش عين
-------------------------------------------
يا قلبي اوعى تنسى ان انت ليك شريك
اداك عمره يا قلبي وهو اللي شاريك
اوعى تختار تظيط ... احسن تبقى عبيط
ويفشل التخطيط ... وتخسر الاتنين
------------------------------------------
يا فلبي الموج غدار و عليك إنك تختار
عندك شط جنة وعندك شط نار
اختار بقى وارتاح .... اختار شط الملاح
بدل ما تعيش سواح ... تايه بين شطين
---------------------------------------------
يا قلبي الشط القريب خليه هو الحبيب
اما الشط الغريب ما تقولشى إنه نصيب
يا قلبي مد ايدك ... وارضى بقى بنصيبك
وربك مش هيسيبك ... تعيش عمرك حزين
**********************************
تأليف / محمدعبدالعزيز دراز ..
