صباح الفل
.....................

صباح الفل
ع إجمل وردة بتفتح
تقوم العيون تسرح
تدوم تضحك نقوم نفرح
لما علينا القمر يهل
صباح الفل
صباح فل و لا الياسمين
م التوهه مبقناش عارفين
إن كان رايحين و لا جايين
بنتسمر بنفضل ف المكان واقفين
ده مش لوحدينا ده حال الكل
صباح الفل
صباح الفل ب لون إبيض
يا إجمل موناليزا ف المعرض
بضحكة صافية بتستغرب
الكل بيقرب و مستني
يسمع منها بس كلمة
صباح الفل
صباح الفل و النرجس
يا نجمه ضيها بيعكس
شعاع الشمس ف نهاره
صباح الورد ب إزهاره
صباح الفل
........................ ف 24 / 4 / 2016
  الشاعر / شعبان مكي شاعر عامية