( لو كنت حقيقي مصري )
للأديب الشاعر / عبد الرشيد راشد
لو كُنتِ حقيقي مصري
ويهِمّكْ إنِ نَصّرِي
يِمسحْ ألمِ السنين
مَكُنتِشْ خُنتِ عهدي
وِجِريتْ تِحّرَقْ في أرضي
ويِسَاندكْ مُجرمين
كم لِيلا عِشتِ جَنبي
ضَمِيتَك فيها يا ابني
وداريِتَكْ جُوَّا عِين
سَهَرَانَا بتِدعِي ربي
يِحميكْ مي الغدرِ يا ابني
من شر العالمين
وفي يوم ما الهمِّ زال
ومعدش شيء محال
لِقيتَكْ بِتعانِدني !!
مين قالّك إنْ مال ؟!
أو منصب كان خيال
يِمنعْ شوقك لحضني !!
أرجوك ارجع تعالى
وبلاش تِعْنِدْ كفايه
دا انتَ الحلم الكبير
سِيبك منهم حبيبي
وارسم في عيوني عيدي
قلبي لسَّاه حَرير
طول عمرو بيحكي عنَّكْ
عاشق دايماً لحضنك
ولكلِ حاجه فِيك
بلاش القسوة مِنَّكْ
دا أنا دمي هوَّا دمّكْ
من غيري يِحِسْ بيك
إرفع راسك يا إبني
وافتح سِدرك وخُدنِي
فَرَّح قلبي الحزين
من غِيركْ يمّحِي همِّي ؟!
ِيمسحْ من خدي دمعي
ويكيد المعتدين؟!!!!
