فاصل و نعود
....................

إحنا الجيل اللي كتب
عن قصص الحب
إكتر ما إحنا عشناها
و كتب ع إحلامه
بس ب إحساسه
تحس إننا شفناها
و إلفنا كتاب إسمه
أنا و الحياة
بصراحة أه
كتبنا فيه بس كلمة
إحنا بجد بنترجاها
تستني شوية و ما تستعجل
ع الصفحة التانية تقوم تقلب
لسه فيه حلم متأجل
و الوقت م عمرنا بيحسب
إحنا الجيل اللي كل ما نقرب
ف فيلمنا ع مشهد النهاية
يقوم الريموت يقلب
و يطلع فاصل إعلاني
........................... ف 19 / 4 / 2016
لشاعر / شعبان مكي شاعر عامية