ﺍﻟﻨﺎﺱ ﺩﻳﻞ ﺑﻘﻮﺍ ﻳﺠﻴﺒﻮﺍ ﻟﻴﻚ ‏) ﺳﻴﺤﺔ ‏( ﻳﻮﻡ ﺍﻟﺠﻤﻌﺔ

ﻋﺸﺎﻥ

ﻳﺤﻨﻚ ﻟﻴﻬﻢ ﺍﻟﻬﻼﻻﺏ ﻭﻳﻘﻮﻝ ﻟﻴﻬﻢ ‏) ﺿﺮﺑﺔ ﺟﺰﺍﺀ ‏(

ﺍﻟﻤﺮﻳﺦ

ﺻﺤﻴﺤﺔ

ﺍﻟﺤﻤﺪﻟﻠﻪ .. ﻭﺑﻔﻀﻠﻪ ﺍﻣﺲ ﺍﻟﻬﻼﻝ ﺍﻧﺘﺼﺮ ﻓﻲ

‏) ﺍﻟﻤﻄﺮ ‏( .. ﺍﻧﺘﺼﺎﺭ

‏) ﻣﻄﺮﻱ ‏( ﺟﻤﻴﻞ ﻛﺪﺍ ﻭﺗﻼﺕ ﻧﻘﺎﻁ ‏) ﺧﺮﻳﻔﻴﺔ ‏(

ﺍﻟﻌﺬﺭ ﺩﺍ ﻣﺴّﻜﻮﻩ ﻧﺎﺱ ﻣﺰﻣﻞ ﺍﺑﻮﺍﻟﻘﺎﺳﻢ .. ﺑﺪﻭﺭﻭﺍ ﻟﻴﻜﻢ

ﻓﻴﻪ

.. ﻟﻤﻦ ﺍﻟﻤﺮﻳﺨﺎﺏ ﻳﺼﺪﻗﻮﺍ ﺍﻟﻮﻫﻤﺔ

ﺍﺳﺎﻣﺔ ﻋﻄﺎ ﺍﻟﻤﻨﺎﻥ ﺫﺍﺗﻮ ﻣﺎ ﻗﺎﻋﺪ ﻳﻘﺼﺮ ﻣﻌﺎﻛﻢ .. ﻟﻮ

ﺍﺷﺘﻜﻴﺘﻮ

ﻟﻴﻪ ﻣﻦ ‏) ﺿﺮﺱ ‏( ﺑﻴﻌﻴﺪ ﻟﻴﻜﻢ ﺍﻟﻤﺒﺎﺭﺍﺓ

******************************

*************

*

· ﻧﺎﺱ ﺍﻟﻤﺮﻳﺦ ﻃﺒﻌﺎ ﻛﻤﻠﻮ ﺍﻱ ﺣﺎﺟﺔ .

· ﻣﺎ ﺧﻠﻮ ﻟﻴﻬﻢ ﻋﺬﺭ .

· ﺍﻱ ﻓﻬﻢ ﻛﺪﺍ ﻓﻲ ﺍﻟﺪﻧﻴﺎ .. ﺍﺗﻌﺬﺭﻭﺍ ﺑﻴﻪ .

· ﻣﺘﻞ ﺍﻟﺰﻭﻝ ﺍﻟﻘﺪﺭ ﻣﺎ ﻳﻼﻗﻴﻚ ﺑﻘﻌﺪ ﻳﺸﻜﻲ ﻟﻴﻚ – ﻣﺮﺓ

ﻳﺸﻜﻲ

ﻣﻦ ﺍﻟﺼﺪﺍﻉ ﻭﻣﺮﺓ ﻣﻦ ﺍﻟﻀﻬﺮ ﻭﻣﺮﺓ ﻣﻦ ﺍﻟﻌﻴﻮﻥ ﺍﻟﺒﻘﺖ

ﻣﺎ ﺑﺘﺸﻮﻑ

ﻭﻣﺮﺓ ﻣﻦ ﺍﻟﺴﻤﻊ ﺍﻟﺒﻘﻰ ﺗﻘﻴﻞ ﻭﻣﺮﺓ ﻣﻦ ﺍﻟﺤﻜﻮﻣﺔ .

· ﻳﺸﻜﻲ ﺑﺲ .

· ﺍﻟﻤﻮﻳﺔ ﻗﺎﻃﻌﺔ .

· ﺍﻟﻜﻬﺮﺑﺔ ﻣﺎ ﺟﺎﺕ .

· ﺍﻗﻞ ﺷﻜﻮﻯ ﻋﻨﺪﻭ ‏) ﻣﻮﺍﺻﻼﺕ ﻣﺎﻓﻲ ‏(.

· ﺭﻃﻞ ﺍﻟﺴﻜﺮ ﺑﻘﻰ ﻳﺘﻤﻮﻩ ﻟﻴﻨﺎ ‏) ﻧﻮﺍﻳﺎ ﺣﺴﻨﺔ ‏(.

· ﺗﺴﺄﻟﻬﻢ ﻣﻦ ﺑﺎﻗﻰ ﺍﻟﺮﻃﻞ .. ﻳﻘﻮﻟﻮﺍ ﻟﻴﻬﻢ ﺧﺼﻤﻮ ﻧﺼﻮ

ﻟﻠﻌﺮﺱ

ﺍﻟﺠﻤﺎﻋﻲ .

· ﻛﻴﻠﻮ ﺍﻟﺒﺎﺳﻄﺔ .. ﻧﺼﻮ ﺑﻘﻰ ‏) ﻗﺮﺍﺻﺔ ‏(.

· ﻭﻳﻘﻮﻟﻮﺍ ﻟﻴﻚ ﺩﻱ ﺑﺎﺳﻄﺔ ﺩﻱ .

· ﺍﻟﻄﺤﻨﻴﺔ ﺫﺍﺗﻬﺎ ﺑﻘﻰ ﻃﻌﻤﻬﺎ ﺩﻗﻴﻖ – ﺩﻗﻴﻖ .

· ﻭﻧﺎﺱ ﺍﻟﻤﺮﻳﺦ ﺑﺘﻌﺬﺭﻭﺍ .. ﺍﻟﻬﺰﺍﺋﻢ ﺩﻱ ﺍﺻﻠﻮ ﻣﺎ ﺑﺘﻠﻔﺘﻮﺍ

ﻓﻴﻬﺎ

.. ﻳﺪﻗﻮﺍ ﻟﻴﻬﻢ ﺻﻴﻮﺍﻧﻴﻦ .

· ﺻﻴﻮﺍﻥ ﻟﻠﺒﻜﺎ .

· ﻭﺻﻴﻮﺍﻥ ﻟﻠﻌﺬﺭ .

· ﺯﻱ ﺍﻟﺰﻭﻝ ﺍﻟﻮﻗﺖ ﺗﺤﺼﻞ ﻟﻴﻚ ﺣﺎﺟﺔ .. ﻣﺎ ﺑﻴﺠﻴﻚ ..

ﺍﻭﻝ ﻣﺎ

ﻳﻼﻗﻴﻚ ﺻﺪﻓﺔ ﻓﻲ ﺷﺎﺭﻉ ﻣﻴﺖ ﻛﺪﺍ .. ﻳﻘﻌﺪ ﻳﺘﻌﺬّﺭ .

· ﻣﺮﺓ ﻳﻘﻮﻝ ﻟﻴﻚ ﻭﺍﻟـﻠﻪ ﺍﻧﺎ ﻛﻨﺖ ﺑﺮﺓ ﺍﻟﺒﻠﺪ .

· ﻭﻣﺮﺓ ﻳﻘﻮﻝ ﻟﻴﻚ ﻭﺍﻟـﻠﻪ ﻣﺎ ﺳﻤﻌﺖ ﺇﻟّﺎ ﺍﻣﺲ .

· ﻭﻣﺮﺓ ﻳﻘﻮﻝ ﻟﻴﻚ ‏) ﺧﺎﻟﺘﻲ ‏( ﻛﺎﻧﺖ ﺗﻌﺒﺎﻧﺔ ﺷﻮﻳﺔ ... ﺭﺍﺟﻊ

ﺍﻭﻝ

ﺍﻣﺲ ﻣﻦ ﺍﻟﺒﻠﺪ .

· ﻭﻣﺮﺓ ﻳﻘﻮﻝ ﻟﻴﻚ .. ﻣﺎ ﻋﺮﻓﺖ ﺍﻟﺒﻴﺖ .

· ﻭﺍﻟﺘﻠﻔﻮﻥ ﺭﺍﺡ ﻣﻨﻲ .. ﻓﻴﻪ ﻛﻞ ﺍﻟﻨﻤﺮ .

· ﻃﺒﻌﺎ ﺣﻜﺎﻳﺔ ﻧﻤﺮﺗﻚ ﺭﺍﺣﺖ ﻣﻨﻲ ﻓﻲ ﺍﻟﺘﻠﻔﻮﻥ

ﺍﻻﺗﺴﺮﻕ

.. ﺷﺎﻳﻔﻬﺎ ﻣﺎﺷﻪ ﺷﺪﻳﺪ ...ﺍﻱ ﺯﻭﻝ ﻣﺎ ﺑﻀﺮﺏ ﻟﻴﻚ ﻳﻼﻗﻴﻚ

ﺑﻌﺪ

ﻓﺘﺮﺓ ﺑﻘﻮﻝ ﻟﻴﻚ ﻛﺪﺍ .

· ﻛﻞ ﻣﺎ ﺗﺤﺼﻞ ﻟﻴﻚ ﺣﺎﺟﺔ ﻫﻮ ﺑﻴﺨﻠﻖ ﻟﻴﻪ ‏) ﻋﺬﺭ ‏( ﻣﻦ

ﻣﺎﻓﻲ ..

· ﺍﻟﻐﺮﻳﺒﺔ ﻫﻮ ﻧﻔﺴﻮ ﻣﺎ ﺑﻜﻮﻥ ﻣﻘﺘﻨﻊ ﺑﺎﻟﻌﺬﺭ .

· ﻋﺸﺎﻥ ﻛﺪﺍ ﺑﻴﺸﻌﺮ ﻟﻴﻚ ﺑﻲ ﺧﺠﻞ ﻏﺮﻳﺐ ﻛﺪﺍ .

· ﺑﺮﺍﻫﻮ ﺑﺘﻠﻘﻮﻩ ﻣﺘﺤﺴﺲ .

· ﻭﺍﻟﺤﻜﻤﺔ ﻣﺎ ﺑﻠﻘﺎﻙ ﺇﻟّﺎ ﻓﻲ ﺷﺎﺭﻉ ﺿﻴﻖ .. ﻣﺎ ﻳﻌﺮﻑ

ﻳﻤﺸﻲ

ﻭﻳﻦ؟ .

· ﺍﻟﺰﻭﻝ ﻭﻗﺖ ﻳﺘﻠّﻮﻡ ﻓﻲ ‏) ﺍﻟﻮﺍﺟﺐ ‏( ﻣﻮﻗﻔﻮ ﺑﻴﺒﻘﻰ ﺷﻴﻦ

.

· ﺣﺎﻟﺘﻮ ﺑﺘﺒﻘﻰ ﺻﻌﺒﺔ .

· ﻧﺎﺱ ﺍﻟﻤﺮﻳﺦ ﻫﺴﻊ ﻛﻤﻠﻮ ﺍﻟﻔﻬﻢ ﺩﺍ .

· ﻣﺎ ﺧﻠﻮ ﺷﻲﺀ .

· ﺷﻔﺘﻮﺍ ﻧﺤﻦ ﻣﻌﺎﻫﻢ ﻣﻦ ﺯﻣﻦ – ‏) ﺍﻻﺭﺿﻴﺔ ‏( ﻛﻌﺒﺔ ...

ﻭﺍﻟﻤﻠﻌﺐ

‏) ﺣﻈﻴﺮﺓ ‏( ﻭﺍﻟﻜﻼﻡ ﺍﻟﺒﻨﺴﻤﻌﻮ ﺑﻌﺪ ﺍﻱ ﻣﺒﺎﺭﺍﺓ ﻓﻲ

ﺍﻟﻮﻻﻳﺎﺕ .

· ﺳﻮﺀ ﺍﺭﺿﻴﺔ ﺍﻟﻤﻠﻌﺐ .. ﺑﻜﺘﺒﻮﺍ ﻓﻴﻬﺎ ﺷﻌﺮ ‏) ﻫﺠﺎﺋﻲ ‏(

ﻋﺪﻳﻞ .

· ﻳﻨﺰﻟﻮﺍ ﻟﻴﻚ ‏) ﺭﺩﺣﻲ ‏( ﻓﻲ ﺳﻮﺀ ﺍﺭﺿﻴﺔ ﺍﻟﻤﻠﻌﺐ .. ﻟﻤﻦ

ﺗﺤﻦ

ﻋﻠﻴﻬﻢ .

· ﻭﺍﻟﻤﺮﻳﺨﺎﺏ ﻋﻨﺪﻫﻢ ﻋﺬﺭ ﺛﺎﺑﺖ ﺑﻌﻠﻘﻮ ﻓﻴﻪ ﺧﺴﺎﺋﺮﻫﻢ

...

‏)ﺍﻟﺘﺤﻜﻴﻢ ‏( .. ﻭﻋﻨﺪﻧﺎ ﺿﺮﺑﺔ ﺟﺰﺍﺀ ﺍﻟﺤﻜﻢ ﻣﺎ ﺍﺣﺘﺴﺒﻬﺎ ﻟﻴﻨﺎ

.

· ﻭﺍﻟﻼﻋﺐ ﺩﺍﻙ ﻣﻔﺮﻭﺽ ﺍﻟﺤﻜﻢ ﻳﻄﺮﺩﻭ .

· ﺍﻟﻨﺎﺱ ﺩﻳﻞ ﺑﻘﻮﺍ ﻳﺠﻴﺒﻮﺍ ﻟﻴﻚ ‏)ﺳﻴﺤﺔ ‏( ﻳﻮﻡ ﺍﻟﺠﻤﻌﺔ

ﻋﺸﺎﻥ

ﻳﺤﻨﻚ ﻟﻴﻬﻢ ﺍﻟﻬﻼﻻﺏ ﻭﻳﻘﻮﻝ ﻟﻴﻬﻢ ﺿﺮﺑﺔ ﺟﺰﺍﺀ ﺍﻟﻤﺮﻳﺦ

ﺻﺤﻴﺤﺔ .

· ﻣﻮﺿﻮﻉ ﺍﻟﺤﻜﻢ ﺑﻘﻰ ﻣﺎ ﻗﺎﻋﺪ ﻳﺠﻴﺐ ﻟﻴﻪ ﺣﺎﺟﺔ ﻓﻲ

ﺍﻟﻤﺮﻳﺦ –

ﻋﺸﺎﻥ ﺍﻟﺤﻜﻢ ﻓﻲ ﺍﻱ ﻣﺒﺎﺭﺍﺓ ﺑﺤﺴﺐ ﻟﻴﻪ ﺿﺮﺑﺔ ﺟﺰﺍﺀ

ﻟﻠﻤﺮﻳﺦ .

· ﻭﺑﻄﺮﺩ ﻟﻴﻬﻢ ﻻﻋﺐ .

· ﺍﻟﺤﻜﻢ ﻳﻌﻤﻞ ﻟﻴﻜﻢ ﺷﻨﻮ ﺑﻌﺪ ﻛﺪﺍ؟ .

· ﻭﺍﻟـﻠﻪ ﻣﺎ ﻓﺎﺿﻞ ﻟﻴﻪ ﺇﻟّﺎ ﻳﺤﺸﻲ ﻟﻴﻜﻢ ‏) ﺳﻨﺪﻭﺗﺸﺎﺕ ‏(

ﺍﻟﻄﻌﻤﻴﺔ

ﻟﻄﻼﺏ ﺍﻟﻤﺪﺍﺭﺱ .

· ﺍﺻﻠﻲ ﺷﺎﻳﻒ ﺍﻟﻨﺴﻮﺍﻥ ﺑﻴﺸﻜﻦ ﻣﻦ ﻗﻮﻣﺔ ﺍﻟﺼﺒﺎﺡ

ﻭﻣﻦ

‏) ﺳﻨﺪﻭﺗﺶ ‏( ﺍﻟﻤﺪﺭﺳﺔ .

· ﺍﻟﺤﻜﻢ ﺍﺻﻠﻮ ﻣﺎ ﻗﺎﻋﺪ ﻳﻘﺼﺮ .

· ﺍﻟﺰﻭﻝ ﺩﺍ ﻓﻲ ‏) ﺍﻟﻜﺸﻒ ‏( ﻗﺎﻋﺪ ﻳﺨﺖ .

· ﺗﺎﻧﻲ ﻳﻌﻤﻞ ﻟﻴﻜﻢ ﺷﻨﻮ؟ .

· ﻓﻲ ﺯﻣﻦ ﻛﺪﺍ .. ﺍﻟﻤﺮﻳﺨﺎﺏ ﻛﺎﻥ ﺑﺘﻌﺬﺭﻭﺍ ﺑﺎﻟﻤﻄﺮ .. ﻣﻦ

ﻳﺸﻮﻑ

ﻟﻴﻬﻢ ﻣﻄﺮﺓ ﺍﻥ ﺷﺎﺀﺍﻟـﻠﻪ ﻓﻲ ‏) ﺍﻟﺘﻮﻗﻌﺎﺕ ‏( ﺳﺎﻛﺖ ..

ﺑﻘﻮﻝ ﻟﻴﻚ

ﺍﻟﻤﻄﺮﺓ .

· ﻟﻮ ﻟﻘﻮﺍ ﻟﻴﻬﻢ ‏) ﺗﺮﻋﺔ ‏( ﻗﺪﻳﻤﺔ .. ﺑﻤﺴﻜﻮﻫﺎ ﻳﺘﻌﺬﺭﻭﺍ ﻟﻴﻚ

ﺑﻴﻬﺎ .

· ﻟﻮ ﺍﻟﻤﻄﺮﺓ ﻓﻲ ﻛﺴﻼ ﻭﺑﻴﻠﻌﺒﻮﺍ ﻓﻲ ﺑﻮﺭﺗﺴﻮﺩﺍﻥ ﻳﻘﻮﻟﻮﺍ

ﻟﻴﻚ

ﺍﻟﻤﻄﺮﺓ !!.

· ﺍﻟﺤﻤﺪﻟﻠﻪ .. ﻭﺑﻔﻀﻠﻪ ﺍﻣﺲ ﺍﻟﻬﻼﻝ ﺍﻧﺘﺼﺮ ﻓﻲ

‏) ﺍﻟﻤﻄﺮ ‏( .. ﺍﻧﺘﺼﺎﺭ

‏) ﻣﻄﺮﻱ ‏( ﺟﻤﻴﻞ ﻛﺪﺍ ﻭﺗﻼﺕ ﻧﻘﺎﻁ ‏) ﺧﺮﻳﻔﻴﺔ ‏(.

· ﻣﻮﺿﻮﻉ ‏) ﺍﻟﻤﻄﺮ ‏( ﺑﻘﻰ ﻣﺎ ﻗﺎﻋﺪ ﻳﻘﺴﻢ ﻣﻊ ﺍﻟﺠﻤﺎﻫﻴﺮ

.

· ﻳﻌﻨﻲ ﻣﺎ ﻓﻲ ﻓﺮﻳﻖ ﻣﺤﺘﺮﻡ ﻛﺪﺍ .. ﺑﻴﺨﺴﺮ ﻭﻳﺮﺟﻊ ﺑﻌﺪ

ﺍﻟﺨﺴﺎﺭﺓ

ﻳﻌﻠﻖ ﺍﻟﻬﺰﻳﻤﺔ ﻓﻲ ‏) ﺍﻟﻤﻄﺮ ‏(.

· ﺍﻟﻤﻄﺮ ﻧﺤﻦ ﻓﻲ ﺗﺎﻟﺘﺔ ﺍﺑﺘﺪﺍﺋﻲ .

· ﻣﻄﺮﺓ ﺷﻨﻮ؟ .

· ﻣﺎﻧﻘﻮ ﺫﺍﺗﻮ ﺧﻠﻰ ﺍﻟﻤﻄﺮﺓ .

· ﺍﻟﻤﻄﺮ ﻓﻲ ﻛﺘﺐ ﺍﻟﻤﻄﺎﻟﻌﺔ ﺑﻘﻮﺍ ﻣﺎ ﻗﺎﻋﺪﻳﻦ ﻳﺠﻴﺒﻮﻫﺎ .

· ﻋﻠﻴﻜﻢ ﺍﻟـﻠﻪ ﻫﺴﻊ ﻧﺎﺱ ﺑﻜﺮﻱ ﻭﺿﻔﺮ ﺩﻳﻞ ﺍﻟﻤﻄﺮﺓ ﻟﻮ

ﺿﺮﺑﺘﻬﻢ

ﺳﻨﺔ ﻛﺎﻣﻠﺔ ﺑﺘﻌﻤﻞ ﻟﻴﻬﻢ ﺣﺎﺟﺔ .

· ﺧﺴﺮﺍﻧﺔ ﺍﻟﻤﻄﺮﺓ – ﻣﺎ ﺧﺴﺮﺍﻥ ﺍﻟﻤﺮﻳﺦ .

· ﻣﺎ ﺗﻘﻌﺪﻭﺍ ﺗﻐﺸﻐﻮﺍ ﻓﻲ ﺍﻟﻨﺎﺱ ﺳﺎﻛﺖ .

· ﺍﻟﻨﺎﺱ ﻣﺎ ﻧﺎﻗﺼﺔ ‏) ﻏﺸﻐﺸﺔ ‏(.

· ﻓﺘﺮﻭﺍ ﻣﻦ ‏) ﺍﻟﻐﺸﻐﺸﺔ ‏(.

· ﺍﻧﺘﻬﻴﻨﺎ ﻣﻦ ﺍﻟﻤﻄﺮ .. ﻇﻬﺮ ﻟﻴﻨﺎ ﻋﺬﺭ ﺟﺪﻳﺪ .

· ﻋﺬﺭ ‏)ﺿﻐﻂ ﺍﻟﻠﻌﺐ ﺍﻟﻤﺘﻮﺍﺻﻞ ‏( .. ﻭﺿﻐﻂ ﺍﻟﻤﺒﺎﺭﻳﺎﺕ

– ﺍﻟﻜﻼﻡ

ﺍﻟﺒﻘﻮﻟﻪ ﻓﻲ ﺍﻻﺳﺘﺪﻳﻮﻫﺎﺕ ﺍﻟﺘﺤﻠﻴﻠﻴﺔ ﺩﺍﻙ .

· ﺍﻟﺴﻨﺔ ﺩﻱ ﻃﺒﻌﺎ ﻣﺎ ﻋﻨﺪﻫﻢ ﻃﺮﻳﻘﺔ ﻳﻘﻮﻟﻮﺍ ﻟﻴﻚ ﺿﻐﻂ

ﺍﻟﻤﺒﺎﺭﻳﺎﺕ .. ﻋﺸﺎﻥ ﺍﻟﻬﻼﻝ ﺑﻀﺮﺏ ﻟﻴﻚ ﻣﺎﺯﻳﻤﺒﻲ ﺍﻟﻠﻴﻠﺔ .

· ﻭﺑﻤﺸﻲ ﻳﻀﺮﺏ ﻟﻴﻚ ﺍﻻﻫﻠﻲ ﻣﺪﻧﻲ ﺗﺎﻧﻲ ﻳﻮﻡ .

· ﺻﺤﻴﺢ ﺍﻟﻬﻼﻝ ﻋﻨﺪﻭ ﻓﺮﻳﻘﻴﻦ ... ﺍﻻﺳﺎﺳﻲ ﻭﺍﻟﺮﺩﻳﻒ ..

ﻭﺍﻟﺮﺩﻳﻒ

ﻣﺎ ﺑﺨﺘﻠﻒ ﻓﻲ ﺣﺎﺟﺔ ﻋﻦ ﺍﻻﺳﺎﺳﻲ 

 ﻟﻜﻦ ﺑﺮﺿﻮ ﺩﺍ ﻣﺎ

ﻋﺬﺭ

ﻟﻴﻜﻢ .

· ﺍﻋﻤﻠﻮﺍ ﻟﻴﻜﻢ ‏) ﺭﺩﻳﻒ ‏( ﻣﻊ ﺍﻟﻨﺎﺱ .

· ﺡ ﻧﺴﻤﻊ ﺍﻧﻮ ﺍﻟﻤﺮﻳﺦ ﻣﺮﻛﺰ ﻓﻲ ﺍﻟﺒﻄﻮﻟﺔ ﺍﻻﻓﺮﻳﻘﻴﺔ

ﻭﺍﻟﺒﻄﻮﻟﺔ

ﺍﻟﻤﺤﻠﻴﺔ ﻣﺎ ﻣﺸﻜﻠﺔ .

· ﻃﻴﺐ ﺍﻟﻬﻼﻝ ﺩﺍ ﻓﻲ ﺍﻟﺒﻄﻮﻟﺔ ﺍﻻﻓﺮﻳﻘﻴﺔ ﻣﺸﺎﺭﻙ

ﺑﺎﻟﻨﺴﻮﺭ

ﺍﻟﺨﺮﻃﻮﻡ .

· ﺍﻟﺤﻤﺪﻟﻠﻪ .. ﺻﺪﺍﺭﺓ ﺍﻓﺮﻳﻘﻴﺔ ﻭﺻﺪﺍﺭﺓ ﻣﺤﻠﻴﺔ .. ﻛﻤﻠﻨﺎ

ﺍﻟﻔﻬﻢ

ﻛﻠﻮ .

· ﺍﻟـﻠﻪ ﻳﺤﻔﻆ ﺻﺪﺍﺭﺗﻨﺎ ﻓﻲ ﺍﻱ ﺑﻄﻮﻟﺔ ﺍﻭ ﻣﻨﺎﻓﺴﺔ ﺑﻨﻠﻌﺐ

ﻓﻴﻬﺎ .

· ﺍﺣﻔﻈﻬﺎ ﻟﻠﻜﺎﺱ .

· ﺍﻟﻤﺮﻳﺦ ﺑﻌﺪ ﺍﻟﺨﺴﺎﺭﺓ ﻓﻲ ﻋﻄﺒﺮﺓ 2 / 0 ﻣﻦ ﺍﻻﻣﻞ

ﺍﻟﻌﻄﺒﺮﺍﻭﻱ

‏)ﺻﺎﺩﺭ ‏( ﺭﺯﺍﻕ ..ﺭﺟﻌﻮﺍ ﻟﻴﻨﺎ ﻣﻦ ﻋﻄﺒﺮﺓ ﻭﻗﺎﻟﻮﺍ ‏) ﻋﻤﺮ

ﻋﺜﻤﺎﻥ ‏(

ﺿﺮﺏ ﻟﻴﻪ ﺣﻜﻢ ﻓﻲ ﺍﻟﻘﻀﺎﺭﻑ ﻗﺒﻞ ﺳﻨﺔ .

· ﺭﺟﻌﻮﺍ ﻟﻴﻨﺎ ﺑﻲ ﺷﻜﻮﻯ .

· ﻭﺩﺍ ﺷﻜﻞ ﻣﻦ ﺍﺷﻜﺎﻝ ﺍﻻﻋﺬﺍﺭ ﺍﻟﻮﻫﻤﻴﺔ .

· ﻋﺸﺎﻥ ﻛﺪﺍ ﺍﻟﻠﻴﻠﺔ ﻟﻘﻴﺖ ﻟﻴﻜﻢ ‏) ﻋﺬﺭ ‏( – ﺍﺻﻠﻮ ﻣﺎ ﺑﺨﻄﺮ

ﻟﻴﻪ

ﺑﻲ ﺑﺎﻝ ﺯﻭﻝ .

· ﻋﺬﺭ ﺯﻱ ﺑﺘﺎﻉ ﻋﻄﺒﺮﺓ .

· ﺍﻟﻌﺬﺭ ﺩﺍ ﻣﺴّﻜﻮﻩ ﻧﺎﺱ ﻣﺰﻣﻞ ﺍﺑﻮﺍﻟﻘﺎﺳﻢ .. ﺑﺪﻭﺭﻭﺍ

ﻟﻴﻜﻢ ﻓﻴﻪ

.. ﻟﻤﻦ ﺍﻟﻤﺮﻳﺨﺎﺏ ﻳﺼﺪﻗﻮﺍ .

· ﺍﻋﻤﻠﻮﺍ ﻟﻴﻜﻢ ﺍﻱ ﺷﻜﻮﻯ ‏) ﻭﻫﻤﻴﺔ ‏( ﻛﺪﺍ .. ﻣﺰﻣﻞ

ﺍﺑﻮﺍﻟﻘﺎﺳﻢ

ﺑﺘﻤﻬﺎ ﻟﻴﻜﻢ ‏) ﻧﻀﻤﻲ ‏( ﺳﺎﻛﺖ .

· ﻟﻤﻦ ﺍﻟﻤﻮﺿﻮﻉ ﻳﻤﻮﺕ .

· ﺑﻌﺪﻳﻦ ﺍﺳﺎﻣﺔ ﻋﻄﺎ ﺍﻟﻤﻨﺎﻥ ﺫﺍﺗﻮ ﻣﺎ ﻗﺎﻋﺪ ﻳﻘﺼﺮ ﻣﻌﺎﻛﻢ

.. ﻟﻮ

ﺍﺷﺘﻜﻴﺘﻮ ﻟﻴﻪ ﻣﻦ ‏) ﺿﺮﺱ ‏( ﺑﻌﻴﺪ ﻟﻴﻜﻢ ﺍﻟﻤﺒﺎﺭﺍﺓ .

· ﺍﻧﺘﻮﺍ ﻗﺎﻳﻠﻴﻦ ﺷﻨﻮ؟ .

· ﻫﺴﻊ ﺍﻟﻔﻜﺮﺓ ﺍﻟﺠﺪﻳﺪﺓ ﺍﻟﻌﻨﺪﻱ ﻟﻴﻜﻢ ﻳﺎ ﻣﺮﻳﺨﺎﺏ ..

ﺗﺸﺘﻜﻮﺍ

ﻓﻲ ‏)ﻣﻨﺬﺭ ﺭﺣﺎﻝ ‏(.

· ﻣﻨﺬﺭ ﺭﺣﺎﻝ ﺩﺍ ﺍﺻﻠﻮ ﻣﺎ ﺗﺨﻠﻮﻩ .

· ﻭﺻﻠﻮﻫﺎ ﺍﻟﻔﻴﻔﺎ .

· ﻣﻨﺬﺭ ﺭﺣﺎﻝ ﻣﺎﻟﻮ؟ .

· ﻣﻨﺬﺭ ﺭﺣﺎﻝ ﻋﻨﺪﻭ ﺧﺎﻟﻮ ﻓﻲ ‏) ﺍﻟﺪﻣﺎﺯﻳﻦ ‏( ﺳﻨﺔ .. 86

ﺿﺮﺏ ﻟﻴﻪ

‏) ﺣﻜﻢ ‏( ﺑﻮﻧﻴﺔ ﻓﻲ ﺍﻟﺪﺍﻓﻮﺭﻱ ﺑﺘﺎﻉ ﺍﻟﺤﻠﺔ .

· ﻣﻨﺬﺭ ﺭﺣﺎﻝ ﺫﻧﺒﻮ؟ .

· ﺍﻭﻝ ﻋﻤﺮ ﻋﺜﻤﺎﻥ ﻛﺎﻥ ﻋﻨﺪﻭ ﺫﻧﺐ .

· ﺡ ﺗﻘﻮﻟﻮﺍ ﻟﻲ ﺍﻟﻜﻼﻡ ﺩﺍ ﻣﺎ ﺣﺼﻞ .. ﻭﻣﺎ ﻓﻲ ﺍﺻﻼ ﻛﻼﻡ

ﺯﻱ

ﺩﺍ .

· ﺡ ﺍﻗﻮﻝ ﻟﻴﻜﻢ ﺍﻭﻝ ‏) ﻋﻤﺮ ﻋﺜﻤﺎﻥ ‏( ﺑﺘﺎﻉ ﺍﻻﻣﻞ ﻋﻄﺒﺮﺓ

ﻛﺎﻥ

ﺿﺮﺏ ﻟﻴﻪ ﺣﻜﻢ ﺑﻮﻧﻴﺔ ﻓﻲ ﺍﻟﻘﻀﺎﺭﻑ ﻋﺸﺎﻥ ﺗﻘﻌﺪﻭﺍ

ﺗﺘﻌﺎﺭﺿﻮﺍ ﻟﻲ

ﻓﻲ ﺧﺎﻝ ﻣﻨﺬﺭ ﺭﺣﺎﻝ .

· ﺃﻫﻮ ﻛﻼﻡ ﺟﺮﺍﻳﺪ ﺳﺎﻛﺖ .

· ﻭﻧﺎﺱ ﺳﻠﻚ ﻣﺎ ﺑﻘﺼﺮﻭﺍ ﻟﻴﻜﻢ ﻓﻲ ﺍﻟﻤﻮﺿﻮﻉ ﺩﺍ ...

ﺑﻌﻤﻠﻮﺍ ﻟﻴﻜﻢ

ﺳﻴﻨﺎﺭﻳﻮﻫﺎﺕ ﻇﺮﻳﻔﺔ ﻛﺪﺍ .

· ﺑﻘﻄﻌﻮﻫﺎ ﻟﻴﻜﻢ .

· ﺍﺷﺘﻜﻮﺍ .. ﻋﻠﻰ ﺍﻻﻗﻞ ﺗﻄﻠﻌﻮﺍ ﺟﻤﺎﻫﻴﺮ ﺍﻟﻤﺮﻳﺦ ﻣﻦ

ﺍﻟﺤﺎﻟﺔ

ﺍﻟﺘﻌﺎﺩﻟﻴﺔ ﺩﻱ .

· ﺷﻮﻓﻮﺍ ﻟﻴﻜﻢ ﺍﻭﺭﺍﻕ ‏) ﻭﻫﻤﻴﺔ ‏( ﻛﺪﺍ .. ﻭﻗﺪﻣﻮﻫﺎ

ﻟﻼﺗﺤﺎﺩ ﺍﻟﻌﺎﻡ .

· ﺍﺻﻠﻮ ﺍﻟﺒﻠﺪ ﺩﻱ ﺍﻱ ﺣﺎﺟﺔ ﺑﻘﻰ ﻓﻴﻬﺎ ﻭﻫﻤﻲ .

· ﻣﺪﺭﺳﺔ ﺗﻄﻠﻊ ‏) ﻭﻫﻤﻴﺔ ‏(.

· ﻋﻠﻰ ﻛﺒﻚ ‏) ﻭﻫﻤﻲ ‏(.

· ﻛﻠﻮ ﻭﻫﻢ ﻓﻲ ﻭﻫﻢ .

· ﻳﻌﻨﻲ ﺑﻘﺖ ﻋﻠﻰ ﺷﻜﻮﺗﻜﻢ ﺩﻱ .

· ﺍﺻﻠﻮ ﻣﺎ ﺗﺨﻠﻮﻩ ﻣﻨﺬﺭ ﺭﺣﺎﻝ ﺩﺍ .

· ﺍﺷﺘﻜﻮﺍ ﻓﻲ ﺣﺎﺭﺱ ﻫﻼﻝ ﻛﺎﺩﻭﻗﻠﻲ ﻓﻴﺼﻞ ﺣﺴﻴﻦ

...ﺍﻟﺰﻭﻝ

ﺩﺍ ﻣﺎ ﺑﻌﺮﻑ ﻳﺴﻮﻕ ﻋﺠﻠﺔ .

· ﺍﻧﺘﻮﺍ ﻗﻮﻟﻮﺍ ﻛﺪﺍ ﻓﻲ ﺍﻟﺸﻜﻮﻯ ..ﺍﺳﺎﻣﺔ ﻋﻄﺎ ﺍﻟﻤﻨﺎﻥ

ﺑﺘﺼﺮﻑ .

· ﺍﻭ ﺍﺷﺘﻜﻮﺍ ﻣﻬﺎﺟﻢ ﻫﻼﻝ ﻛﺎﺩﻗﻮﻟﻲ ﻣﺆﻣﻦ ﻣﻮﺳﻲ

...ﺍﻟﺰﻭﻝ ﺩﺍ

ﺯﻣﺎﻥ ﻟﻤﻦ ﻛﺎﻥ ﻓﻲ ﺍﻻﺳﺎﺱ ﻣﺎ ﻛﺎﻥ ﺑﺤﻀﺮ ﺣﺼﺔ

‏) ﺍﻟﺠﻐﺮﺍﻓﻴﺎ ‏(

.. ﺑﺪﻛﻬﺎ ﻋﺪﻳﻞ ﻛﺪﺍ .

· ﺍﻫﺎ ﺷﻔﺘﻮﺍ ﺩﻙ ﺣﺼﺔ ﺍﻟﺠﻐﺮﺍﻓﻴﺎ ﺩﻱ ﺑﻌﻴﺪ ﻟﻴﻜﻢ

ﺍﻟﻤﺒﺎﺭﺍﺓ .

· ﺍﺷﺘﻜﻮﺍ ﻓﻲ ﻓﻮﺩﻱ ﺩﻳﺒﺎﺗﻲ ... ﻗﻮﻟﻮﺍ ﻓﻲ ﺍﻟﺸﻜﻮﻯ ...

ﺍﻟﺰﻭﻝ ﺩﺍ

ﻭﻗﺖ ﻳﻄﻠﻊ ﻣﻦ ﺍﻟﺼﺎﻟﻮﻥ ﺑﺨﻠﻲ ‏) ﺍﻟﻤﺮﻭﺣﺔ ‏( ﻓﺎﺗﺤﻪ .

· ﻳﺨﻠﻴﻬﺎ ﻟﻴﻪ؟ .

· ﻣﺎ ﺻﺎﺡ ﻣﻨﻮ؟ .

· ﺍﻟﻤﻬﻢ ﺍﻧﺘﻮﺍ ﻣﺎ ﺑﺘﺘﺤﻴﺮﻭﺍ .. ﺑﺘﻠﻘﻮﺍ ﻟﻴﻜﻢ ‏) ﺷﻜﻮﻯ ‏(.

......... ·

· ﻣﻠﺤﻮﻇﺔ : ﺍﻧﺘﺼﺎﺭﻧﺎ ﻧﺤﻦ ﺑﻲ ﻣﻄﺮﺗﻮ .

ﻫﻮﺍﻣﺶ

· ﻣﻄﺮ ﻓﻲ ﺍﻟﺨﺮﻃﻮﻡ .

· ﻭﻣﻄﺮ ﻓﻲ ﺍﻟﻜﺎﻣﻠﻴﻦ .

· ﻓﺮﺡ ﻫﻨﺎ .

· ﻭﻓﺮﺡ ﻓﻲ ﻛﺎﺩﻭﻗﻠﻲ .

· ﺍﻟﻔﺮﺣﺔ ﻭﻗﺖ ﺗﻜﻮﻥ ﻣﺰﺩﻭﺟﺔ ﺑﻜﻮﻥ ﻋﻨﺪﻫﺎ ﻃﻌﻢ

ﻣﺨﺘﻠﻒ .

· ﻣﻦ ﻫﺴﻊ ﺍﺑﻘﻮﺍ ﻋﺎﺭﻓﻴﻦ .. ﻭﻓﺘﺤﻮﺍ ﻋﻴﻮﻧﻜﻢ .

· ﺍﻟﻬﻼﻝ ﻋﻨﺪﻭ ﻣﺒﺎﺭﺍﺓ ﺻﻌﺒﺔ ﻓﻲ ﻛﻮﺳﺘﻲ ﺍﻣﺎﻡ ﻣﺮﻳﺦ

ﻛﻮﺳﺘﻲ .

· ﻭﻋﻨﺪﻭ ﻣﺒﺎﺭﺍﺓ ﺻﻌﺒﺔ ﻣﻊ ﻫﻼﻝ ﺍﻟﻔﺎﺷﺮ ﻓﻲ

‏) ﺍﻟﻨﻘﻌﺔ ‏(.

· ﻭﻧﺤﻦ ﻣﺎ ﺑﻨﻘﺒﻞ ﺍﻱ ‏) ﺗﻌﺎﺩﻝ ‏(.

· ﺍﻟﻤﻤﺘﺎﺯ ﻳﺒﻘﻰ ﺑﻄﻮﻟﺔ ﻣﺤﺒﺒﺔ ﻟﻠﻬﻼﻻﺏ .

· ﻭﻫﻲ ﺑﻄﻮﻟﺔ ﻧﺴﻌﺪ ﺑﻬﺎ ﻛﺜﻴﺮﺍ .

· ﺍﻟﻬﻼﻝ ﻓﻲ ﺍﻟﻤﻤﺘﺎﺯ ﺑﺤﻘﻖ ﻓﻲ ﺍﺭﻗﺎﻡ ﻗﻴﺎﺳﻴﺔ .

· ﻋﺎﻭﺯﻳﻦ ﻧﻮﺍﺻﻞ ﻫﺬﻩ ﺍﻻﺭﻗﺎﻡ .

· ﻣﺎ ﻓﻲ ﺍﻱ ﺗﻔﺮﻳﻂ .

· ﺍﻟﺘﺄﻟﻖ ﻭﺍﻟﺘﻘﺪﻡ ﻓﻲ ﺍﻟﺒﻄﻮﻟﺔ ﺍﻻﻓﺮﻳﻘﻴﺔ ﻻ ﻳﻌﻨﻲ

ﺍﻟﺘﻔﺮﻳﻂ ﻓﻲ

ﺍﻟﻤﻤﺘﺎﺯ .

· ﺍﻟﻔﺮﻳﻖ ﺍﻟﺒﻄﻞ .. ﺑﻄﻞ ﻓﻲ ﺍﻱ ﻣﻨﺎﻓﺴﺔ ﻳﻠﻌﺐ ﻓﻴﻬﺎ .

· ﺍﺫﺍ ﻟﻢ ﻳﻜﻦ ﺍﻟﻬﻼﻝ ﺑﻄﻼ ﻟﻠﻤﻤﺘﺎﺯ ﻛﻴﻒ ﻳﻜﻮﻥ ﺑﻄﻼ

ﻻﻓﺮﻳﻘﻴﺎ .

· ﺍﻟﺤﺎﺟﺎﺕ ﻋﻨﺪﻫﺎ ﻋﻼﻗﺔ ﺑﻲ ﺑﻌﺾ .

· ﻋﺸﺎﻥ ﻛﺪﺍ .. ﺍﻻﺟﺎﺩﺓ ﻭﺍﻻﺗﻘﺎﻥ ﻭﺍﻻﻧﺘﺼﺎﺭﺍﺕ ﻋﺎﻭﺯﻧﻬﺎ

ﺍﻓﺮﻳﻘﻴﺎ

ﻭﻣﺤﻠﻴﺎ .

· ﻓﺎﻗﺪ ﺍﻟﺸﻲﺀ ﻻ ﻳﻌﻄﻴﻪ .

· ﺍﺫﺍ ﻓﻘﺪﻧﺎ ﺍﻟﻤﻤﺘﺎﺯ ﺳﻮﻑ ﻧﻔﻘﺪ ﺑﻄﻮﻟﺔ ﺍﻻﻧﺪﻳﺔ

ﺍﻻﻓﺮﻳﻘﻴﺔ .

· ﺍﻟﺤﻤﺪﻟﻠﻪ ﺍﻥ ﺍﻟﻬﻼﻝ ﻋﻨﺪﻭ ﺍﻛﺘﺮ ﻣﻦ ﺗﻴﻢ .

· ﻟﺬﻟﻚ ﺍﻟﺘﻘﺪﻡ ﻓﻲ ﻛﻞ ﺍﻟﺒﻄﻮﻻﺕ ﻭﺍﻟﻔﻮﺯ ﺑﻬﺎ ﻣﻤﻜﻨﺎ

ﻭﻣﺘﺎﺣﺎ

ﻟﻠﻬﻼﻝ ﺩﻭﻥ ﻏﻴﺮﻩ ﻣﻦ ﺍﻻﻧﺪﻳﺔ .

· ﻣﺎ ﻓﻲ ﺍﺣﻠﻲ ﻣﻦ ‏) ﺍﻟﺼﺪﺍﺭﺓ ‏(.

· ﻣﺎ ﻓﻲ ﺣﺎﺟﺔ ﺑﺘﻤﺘﻌﻨﺎ ﻓﻲ ﺍﻟﺪﻧﻴﺎ ﺩﻱ ﻗﺪﺭ ‏)ﺍﻟﺼﺪﺍﺭﺓ ‏(.

· ﺣﺴﻤﻨﺎ ﺻﺪﺍﺭﺓ ﺍﻟﻤﻤﺘﺎﺯ .. ﻭﻋﺎﻭﺯﻳﻦ ﻧﺤﺴﻢ ﺻﺪﺍﺭﺓ

ﺍﻟﻤﺠﻤﻮﻋﺔ .

· ﺧﻄﻮﺓ – ﺧﻄﻮﺓ .

· ﻭﻣﻬﻤﺔ .. ﻣﻬﻤﺔ .

· ﻭﺟﻤﻬﻮﺭ ﺍﻟﻬﻼﻝ ﻫﻮ ﺍﻟﺰﺍﺩ ﻭﻫﻮ ﺍﻟﺴﻨﺪ ﻭﻫﻮ ﺍﻟﺪﺍﻋﻢ .

· ﻭﻟﻮ ﻟﻘﻴﻨﺎ ﻟﻴﻨﺎ ﻣﻄﺮ ﻣﻊ ﺍﻟﺤﺎﺟﺎﺕ ﺩﻱ ﺑﺘﻜﻮﻥ ﻣﻴﺔ ﺍﻟﻤﻴﺔ

.

· ﺍﻧﺘﺼﺎﺭ ﺑﻲ ﻣﻄﺮﺗﻮ .

· ﺍﺟﻮﺍﺀ ﻣﺜﺎﻟﻴﺔ .

· ﻭﻓﺮﺡ ﻫﻼﻟﻲ ﺧﺎﺹ .

· ﻋﻨﺪﻣﺎ ﺗﻌﺎﺩﻝ ﺍﻟﻬﻼﻝ ﻓﻲ ﻛﺎﺩﻭﻗﻠﻲ .. ﻟﻢ ﻧﻘﻞ ﻛﻠﻤﺔ

ﻓﻲ ﺳﻮﺀ

ﺍﺭﺿﻴﺔ ﺍﻟﻤﻠﻌﺐ .

· ﺍﻋﺘﺒﺮﻧﺎ ﺍﻟﺘﻌﺎﺩﻝ ﺧﺴﺎﺭﺓ ﻛﺒﻴﺮﺓ ﻋﻠﻰ ﺍﻟﻬﻼﻝ .

· ﻋﺸﺎﻥ ﻛﺪﺍ ﻳﺎ ﻧﺎﺱ ﺍﻟﻤﺮﻳﺦ ﻣﺎ ﺗﻌﻤﻠﻮﺍ ﻟﻴﻨﺎ ﺍﺭﺿﻴﺔ

ﺍﻟﻤﻠﻌﺐ

‏) ﺳﺒﺐ ‏(.

· ﺿﻔﺮ ﺩﺍ ﻋﺎﻭﺯ ﻟﻴﻪ ﺍﺭﺿﻴﺔ ﻣﻠﻌﺐ؟ .

· ﻳﻌﻨﻲ ﻳﻔﺮﺷﻮﻫﺎ ﻟﻴﻜﻢ ﻣﺎﻛﻴﺖ .

· ﻳﺎ ﺑﺸﻪ ﺍﻟـﻠﻪ ﻳﺪﻳﻚ ﺍﻟﻌﺎﻓﻴﺔ .

............ ·

· ﻋﺎﺟﻞ : ﻧﺎﺱ ﺍﻟﻤﺮﻳﺦ ﺍﻟﻤﻄﺮﺓ ﺑﻘﺖ ﻟﻴﻬﻢ ‏) ﻣﺴﻴﺨﺔ ‏(

ﺟﻨﺲ

ﻣﺴﺎﺧﺔ ..!! ﻣﺎ ﺿﺎﻗﻮﺍ ﻟﻴﻬﺎ ﻃﻌﻢ .