الجد صلاح الدين
آخر الجدود الجلاده
الشهراكتوبر العام٧٣
اليوم يوم الغفران
يوم ميلادي بالعربي
العاشر من رمضان
ومن يوميها
وقف التاريخ حيران
مالبسوه جاكت
وقلعوه طربوشه
والجبه والقفطان
التاريخ مش راضي بتاريخي
وحملني بالاحزان
املي يطلعلي مستخرج
شهادة ميلاد انسان
قالولي هات يضمنك
واحد من الاعيان
قلت ياعين كفايه
قول وعياده
مالنوم كبس
حبس النفس
وخنق الجرس
مانمنا ع السجاده
نام ياولد
نامي يابلد
نام ياوطن
النوم علينا اتفرض بزياده
بقالنا كام سنه ساكتين
بقالنا كام سنه نايمين
بقالنا كام سنه صايمين
وف بحر وهمنا
كام سنه عايمين
نفوق ونشرب فنجالين ساده
ياريت بنومنانوصل نلاقي البر
ياريت بنومنا نعبر بحور الشر
ياريت بنومنا نغير حروف الجر
اياك نسينا ان العروبه ولاده
غيرنا اصل الكلام
اصبح مالوش معني
ولما كتر الكلام
للماضي رجعنا
لقينا لولا الدراع
ماكان وطن سعنا
ياك نسيناتريخ الساسه والساده قبضنا كام
ومين اشتري سكوتنا
الصوره مهزوزه
وهنضيع بالسكوت صوتنا
لا مالنا ولا جاهنا
هيقفوا ف طريق موتنا
طول عمرهم خونه
والبذره مداده
فين صلاح
وفين صلاح العروبه
فتحت القاموس
لقتها كلمه مشطوبه
وفتحت الكتاب
لقيت الخطاوي محسوبه
انام مع النايمين
ولا ادور علي طوبه
الاسم انسان الاب عربي
امي العروبه الجد صلاح الدين آخر الجدود الجلاده
قلت ياعين كفايه قول وعياده
مانمنا ع السجاده
النوم علينا اتفرض بزياده
نفوق ونشرب فنجالين ساده
اياك نسينا ان العروبه ولاده
ياك نسيناتريخ الساسه والساده طول عمرهم خونه
والبذره مداده
فولي عبد الغفار أعجبني
نشرت فى 9 ديسمبر 2017
بواسطة azzah1234
عدد زيارات الموقع
164,606