اوعى ف مرة تقول سامحينى *
*طب دة انا شفت عذابى بعينى
* ازاى بس عايزنى اسامح
* وانت البايع حب سنينى
*كلمه اخيرة راح اقولهالك
اكسر قلبى وهنيالك *
وعذابى كانه بيحلالك
*هاتدوق منه كتير ف غيابك
*ترجع تترجى ف ايامك
*بس خلاص القلب استكفا *
دنا بعذابه مكنتش حسه *
من افعالك قرر ينسى *
والحب خسارة ف احلامك
* شايفه دموعك فرحانه فيك *
حتى القلب بيكى عليك
* كاس المر كان بايديك
* مع انه كان نفسه ف مره
تلمس جرح الغير بايديك *
اشرب دوق من نفس الكاس
* اوصف ايه اصعب احساس *
والطعم ده كان مر وعلقم
*وهى مره وعدت وخلاص
