شارع غلابة الغلابة
الشاعر محمد ضباشه
---------------
شارع غلابة الغلابة
عضمه مطحون منه فيه
لا فيه مكان للديابة
ولا الفساد بيسرح بيه
نهاره ماسورة صراخ
وليله محنين رجليه
من كتر وجع الساعات
الدايخة مالاقيه جنية
شارع ما لوش عنوان
ولا حد طل عليه
متبعتر في كل مكان
وزارعين النكد حواليه
ميت مش لاقي قبره
ماشي بيسأل ليه
ناسياه حكومة بلدنا
ورئيسها سعادة البيه
مكتوب عليه إلحقونا
صبر الليالي طال
عدت علينا الزعامة
ما معاها شيئ ينطال
مع أننا بنصلي
وما عملنا شيئ بطال
معرفش ليه بيعذبونا
وكأننا كفار
بنعبد اللات والعزا
مش واحد اله جبار
حزين ياشارع الغلابة
يا أبو بسمة مخنوقة
داير عليها الجدع
والحارة مزنوقة
ما فيها مكان للفرح
ولا حنة علي الروقة
والدخلة فيها الفضايح
تايهه مع التوهة
صعبان عليا تبات
جنب البلد عريان
باين عليك الشقا
فكرك شارد سرحان
ما تقولش أه م الوجع
كيلك طفح حرمان
رميناك علي شطنا
وسبناك سنين غرقان

#الشاعرمحمدضباشه