في المتاهة في المتاهة كله راكب في المتاهة
كله تايه في المتاهة
كله يسأل تاني نفسه باقي ايه بقى من المتاهة
الكبير ويا الصغير البنات وياالبنين
كله بيعيش المتاهة
لوسألت كبيرنا مرة عن المتاهة
يمكن هيضحك من سؤالك
يرجع يقولك أهي دي النباهة
لما تسأل عن المتاهة
كل دول سبب المتاهة
راجل وعايز ياكل ويشرب
يسكن ويعشق يبني ويكبر يغني ويكنز
من غير مايشقى ولايوم هايتعب بس يكفي إنه هيعرف
أهل السفاهة
طريق ورايج دهب وفايض عند البلاهة
اللي عامل بلطجي واللي حشاش مطوجي
واللي فاكر النصب حرفة
والغش عادي وفوضجي
بدل المصانع والورش بقينا بنعيش على البكش
فين الصنيعاية القدام يعني الأدب والأحترام
يعرف يصون بقه سمعته بحاجة جامدة آخر تمام
والله تحفة من زمان زي الدهب ماتقول بكام
حاجات بسيطة وبالأصول ماعندهم سرقة وعدول
تدي لكل شئ ميزان ماهي الاصول أخلاق زمان
ومش أونطة وفبركة وشغل حلق حوش وجان
كلامي يمكن يزعلك بس الصراحة اللي هاتنفعك
خليك أصيل بالجدعنة مش بالبكش والفتونة
الراجل اللي يعرف يصون عرضة مايعرف يوم يهون
يكسب معاشة بحلال وذوق
يراعي أهله والجيران والكل يعرف له احترام
لكن العوج يعمل دكر وعلى الغلابة بيتشطر
وقت نعوزة في مشكلة تلاقيه خروف شايل شيلة
وخيبته تبقي مدلدلة
تقيلة وأد المقام
عايزه لها عربه و بحصان
معلش ماتزعلوش مني
أصل اللي مني مجنني
غاويىن معاكسة ومش راضين
ويفهموا زي البني أدميين
إن الحياة عايزة رجولة
يعني الشهامة وبطولة
دا مش كلامي أنا لواحدي داانا واخده ابا عن جدي
احفظ عهودك ووعودك وأهل بيتك وجدودك
تلقى الجزاء واضح وأكيد واسأل مجرب قبل طبيب
ياما رأينا وعدينا على ناس كانوا قيمه وسيما
وبيعملولهم ألف حساب قصة حياتهم تبقى كتاب
جه الغرور وأوام خدهم والكبر والطغيان صابهم
ماعرفوا ينصفوا بني آدم ولوفي مرة يقربهم
أصل التناكة بعداهم والدنيا بتلعب بهواهم
فاكرينها دايمة مابتروحشي
وتروح وتيجي ماهي في جبينا
ملكنها دايما وفي إيدنا
وفجأة ولاسابق انذار
الضربة جد ومش بهزار
صبحت عروشهم بقيت فاضية
والضربة دي كانت القاضية
كنست معاها دول ودول وشمتت كل عزول
شركتهم صبحت مديونة وللبنوك اللي باعونا
ملايين دهب ومليارات ويا الفيلل بقة وعمارات
غير الاراضي بالفدادين ويا المواشي والتسمين
كله في ليلة كإنه ماكان واهو راح زمان وجنا زمان
بس اللي يعرف حكمته ويشوف عجايبه في صنعته
يعرف يعيش عمره مستور مايدوخ ولاعمره هايدور
أصل الحقيقة مابتوهش والجدعنة مابتتجزأش
صاحبنا واخد عهد بجد مع ربه ولابيخاف من حد
عرف طريقه بنزاهة وبقوة ماعرفش الآهة
أخلص لربه بقى دينه والخلق آهم شايفينوا
كل الأدب والاحترام مع الحلاوة تمام في تمام
تلقى الصغير والكبير يسمع كلامه تقولش أمير
أصل الادب كله فوايد وعوايده دايما بالزايد
كفاية إنه مايتاقلش بدهبها ولاحتى بالعرش
كفاية انه مابيتوهش ويدل صاحبة مابيحودش
على الاصول تلاقيه مظبوط لالف ولادوران قرموط
عارف طريقة وتمامه واخدة النبي قدوة أمامة
لاعمرة ضاع له ولامتاهة زي اللي وقعوا في تفاهة
ببصيرة عاش عيشة هنية وولادة راضية ومرضية
حكمة وقالها أجدادنا زمان
يابخت من عرف ربه قام استقام ومحا ذنبه
لاعمره يقع في متاهة ولايصيبه في يوم آهة
وداأخرة ماعندي أصل الليلة أنا لوحدي
لاعندي زوجة ولاعروسة
وورايا شغل كتير عندي
ونشوفكوا بقى دايماعلى خير
وسلامي لكل أمير وغفير