( إياك تغير مبادئك )

~~~~~~~~~~~~~

عشان مازرعك يزيد
يحتاج لغالي التقاوي
دا البيت ببابه الحديد
تهابه لصوص الليالي

إياك تغير مبادئك
وتنسى أصلك تضيع
وتبيع ودادك وعهدك
يفرح ف ميلك وضيع

حافظ ع اللي يغليك
إياك تبيع بالرخيص
الغالي غالي وشاريك
والخسة طبع الرخيص

واضحك وفرح حبايبك
إكتم جراحك داريها
واصنع فرحهم بدمعك
لملم جراحهم داويها

مهما جرحوا ف قلبك
سامح بطيبك لاقيهم
إمشي مآمن ف دربك
ربك بعدله يجازيهم

ربك بعدله يجازيهم
~~~~~~~~~~~~~
بقلمي ..
معوض حلمي
منشأة بطاش
تمي الأمديد
دقهلية