في القدس
لشاعر الوطن خالد العيسى الصوافطة
في القدس قرار
منعوا الآذان
شو بتعمل ياعربي
الوضع عندك تعبان ؟
أكيد الرد مزلزل
خلونا للعقدة نحلحل
ولوغنت هيفاء
لعقل العرب تخلخل
للأقصى ماهم فاضين
ودوارة نساوين
ولبسوهن عقود اللؤلؤ
ونزلو دبكة ع الطواحين
شو بدهم يعملوا مع اليهود
ويحلفوا بالرب المعبود
أنهم ولاد العمومة
وعربنا بالأرض تجود
وزعامات ورؤساء وملوك
أقسم إنهم ضيعوك
بسوق النخاسة باعوك
وقالوا عنك شيطان
وياقدسنا لاتهتمي
هذول زبالة هالأمة
وشاطرين بمؤتمرات القمة
ويطلع أحدث بيان
نشجب ونستنكر
وياظالم ليه متجبر
الكل فيهم نايم
وماتفتح له البيبان
ومن المغرب للخليج
الذل متوجهم تتويج
ومتى ياشعبي تهيج
وتطرد عنّا هالغربان ؟
خالد العيسى
فلسطين