القرموط والبلطية
ياسمكة إنتي يابلطية
بلبطي مليطي في المية
وحاسبي من السنارة
ياما شبكت قبلك 100
وحاسبي من القراميط
أصل القراميط زفاليط
يجيبوا ديلك في الخيّة
تقولي ياريتني ياريت
خلي زعانفك حاضرة
للقراميط الغادرة
ياسمكة أنا قلبي عليكي
دي قراميط فاجرة وقادرة
خليكي جنب الشط
وبلبطي ويا البط
وإن قابلك يوم قرموط
وإنشال قوي وإنحط
خليكي بلطية قوية
وريله إن إنتي عفيّة
تلاقيه إتقرمط وإتزفلط
وهرب وعمل حسنية
بقلم طارق السيد