قال يوم حدااشر قال
بقلم / طارق فوزي
========================
ونزلت يوم حداشر عادي
ومشيت في شوارع شبرا
والدقي والمعادي
لا لقيت ثورة ولا ثوار
ولا حد بينادي
قلت في نفسي يمكن يكون
عملوها في الوادي
أتصلت بقريبتي هناك
اسمها أم هنادي
قلتلها أخبار النزول ايه
في الواحات الوادي
قالت نزول ايه وطلوع ايه
دي تخاريف الأعادي
قفلت معاها وبسرعة اتصلت
بصديقي شادي
أصله اسكندراني وثورجي
من يوم ماكان في الإعدادي
سألته الناس نزلت النهاردة
قالي طبعا وده شيء عادي
النهاردة الجمعة ينزلوا يصلوا
وبعدها يا على البيت يا ع النادي
واتصلت على بحري وقبلي
وكل شبر في بلادي
قالوا ثورة ايه بس
دي تخاريف ونعيق
بوم وحدادي
اللي عاوز دمار مصر
أو يخرب أو يعادي
مش ممكن يكون مصري
ولا من ولادك ولا ولادي
ولا من نسل المصريين
من أجدادك وأجدادي
أعجبني
