بقلم/ مصطفى المحمدى
فراق بفراق :
فراق بفراق وأيه يعنى
لا هسمع منك
ولا بتمنى تسمعنى
هو انت فاكر لما تبكى هصدقك
لا مستحيل
كل الكلام ده كان زمان
اصل انا لقيت البديل
بديل فى الشكل مش زيك
لاكن حساس
ولا جمالك ولا دلالك
لاكن فى عنيه كل الناس
بديل لله يكون حامد
ولا قاسى ولا ظالم ولا جاحد
ولا انانى
على فكره دموعى محبوسه
لكن ماتت
لجل أما أبان وانا جامد
والله من بعدك هعيش
ولا مجروح ولا مكسور
لكن ندمان
على وقت خوف
حسيت معايا بالأمان
على شوق وعطف
وكلمه حلوه بأنسجام
على ضحكه حلوه
وحوار ببادله بأهتمام
على كل شئ راح وانتها
على كل ورده مفتحه
قطفتها بكل احترام
هقولك ايه على كل حلم
حلمته ليك
على احلى احساس كنت حسه
ما بين ايديك
على روحى لما بترجع
بنظره من عنيك
على أيد تقابل أيد
واخرج وتباها بيك
لكن من غير سلام
ضيعت أملى فيك
