تعبيرا عن الصوره
.............،،،،،،،،،،،،،،،،،............
غرقانه في احزاني ونفسي منها اهرب
مسكت ريشة اللواني وقولت ارسم اجرب
حتى صورتي رسمتها بعيون مغمضه
خايفه اهرب من احزاني لشط فيه اتغرب
ظلام يادنيا وشعاع النور بيجي متصرب
ولما نهاري وياه بان خفت من قلبُه أقرب
يادنيا اعمل ايه وياكي
بحلم اعيش حلمي اصحى وانا باكي
حبيت اتنسم سممني الغدر في هواكي
جرحتني قلوب الخلان ومنعتي عني دواكي
هو الاصيل مالهوش نصيب معاكي
بصرخ ونادي يامين يغطني يمد ايده
يداويني من جراحك ومن قلبي اريده
اسقيه من شهد قلبي يؤمر وأنا أزيده
فارس لقلبي في مملكته و هو وحيدُه
يرسم طريق الهوى عمري ماحيدُه
على جبينه ارسم شمس وحياه
والدنيا تحلى واعيشها وياه
اغني واحلم بارضه وسماه
وينتهي العمر وانا حضناه
دي صورتي وده حلمي اللي رسماه