مصر حبيبتى
مش بس كفايه ان نحبك
ونرتل فيكى الاشعار
ونجيبك فى الوصف بهيه
جلبيه وترحه وخلخال
انا عايزك يامصر فتيه
انا عايزك بنت السلطان
انا عايزك جوهره محميه
ملفوفه بورق السلفان
انا عايزك يامصر مناره
يسترشد بيها الربان
انا عايز ارضك ولاده
بتخرج للدنيا رجال
الصحراء ان شافت خطوتهم
تتحول خضراء فى ايام
انا عايزك تتبدرى مصانع
ومدارس تنشىء اجيال
انا عايزك للفن حضاره
بتجسد روح الانسان
وبروح الدين المتسامح
بتوحد بين الاديان
انا عايز نيلك وقنالك
يبقوا للعالم شريان
انا غايز امنك وامانك
انا عايز صحوة ابنائك
لو عرفوا قيمتك ومكانك
راح تبقى بنت السلطان
اشعار محمود طنطاوى