ف ليلة اربعطاشر
كان القمر مخنوق
البث ومباشر
شاف هو قلة ذوق
لابراج غلبها النوم
والعزرا مع عقرب
ولا قالتله نجوم
ليك ف السما اقرب
ضحكت معاه ف خلوه
ناسيه انها بنت بنوت
لمسة إيديك حلوه
ف نظرة عينيك وبأموت
وناويلها هو ع الشر
بَعَّد ومسك الفضا
وقام القمر راح مر
خد إذن م الليل مضى
العقرب طبيعته المكر
ف دماغه هَتْك العرض
حلوه الصبيه بِكْر
قال يلا نزور الارض
عارف السما طاهره
ما باتش فيها العيب
وف آخر السهره
بدأت معاه ألاعيب
للعزرا إدى وداد
وغلفه ب خداعه
الارض فيها فساد
يمشي مع طباعه
نادى القمر ياابراج
انا قلبي آهو مجروح
السم لبس التاج
غوى جمال الروح
الدلو يبكي بشجن
الابراج راحوا عزلوا
وقع الميزان ع الزمن
والكفتين نزلوا
نزل القمر ع الارض
يتابع الاخبار
وصلى آخر فرض
واتوضى م الانهار
اتاري السموم كات سرت
والبرج انه خبيث
القمره اتأثرت
دق الطبول إبليس
والعقرب وطردوه
من جملة الابراج
والدلو راحوا جلدوه
للقمره جاب إحراج
إنها ف عين الناس
أميره ف الملكوت
وقلبها حساس
الدلو لازم يموت
إزاي يكون حارس؟؟
والعزرا ياخدوها
ولا الاسد فارس
وشجاعته هدوها
خاطر الميزان اتكسر
رمز العداله اتقلب
الشر لما انتصر
زار الفساد عقرب
وطغى الفساد وأمر
قال للشرف ماتروق
وبكى بدموعه القمر
لسه ف سماه مخنوق

#محمد