**** فين الحنية **** بقلم ***** الشاعر **** وائل مسلم **** راحت فين الحنية مبقتش لاقي الفول و لاالطعمية // ولا اعرف شكل الورقة ام مية // خلاص عايز اهاجر لو حتي هجرة غير شرعية // البحر كبير علية وانا خايف من الغرق او تاخدني الجنية // طيب هعمل الحياة صعبة في البلد دية // نصحوني وقالوا مصر هتبقي احسن في الايام الجاية // اصبر يا ابني شوية // لاتروح اوربا و لا دولة عربية // دة الخير في بلدنا كتير وفية في بطن الارض كنوز مستخبية // معلش لازم اهاجر علشان العيال // واحاول احسن الحال // ولو مت متزعليش علية يا بهية وانا اسف ليك يا كل عم وكل خال // سمعت امي بتنده علية // وانا في ساعة المغربية // والموج عالي ولا نافع معاة اي محاولة من المراكبية // طيب انزل المية واعوم للناحية التانية // ولا ابقي غريق وتبقي اكلة للسمك هنية // سمعت امي من بعيد بتنادي ومعاها الواد مسلم والبنت هنادي // بتنده وتقول قلبي عليك يا ابني انفطر لما وقعت في بحر الخطر // لية يا ابني تزعلني وتخلي قلبي ينحسر // قلت ليك خليك في بلدنا هي اولي بيك // مسمعتش الكلام يا ابني واتاري الموت مستنيك // يا ابني الحال في بلدنا اتغير // وهنبقي احسن في الايام اللي جاية // لكنك يا حسين مسمعتش الكلمتين // ورحت يا ابني في غمضة عين // وسبت امك والزوجة والعيلين // وسبتنا نبكي بدمع العين // اجيبك يا ابني منين // واحاسب مين من المسئولين // يا حبيبي يا ابني يا نن العين // وحبة عنية وقلبي المسكين // لية تهاجر يا ولدي كنت اصبر شوية // ومصر حالها اتعدل حبتين // والايام اللي جاية راح تبقي حلوة وزين // بس عايزين عطف ورحمه يا مسئولين // وانا عارف مشاغلكم الكتير // واخرتها تقولوا هنلقاه منين ولا منين // دة امانة في رقبتكم العيلين الاتنين // اللي سابهم ابني المسكين // وساب قلبي حزين // وانا اعرف ان مصر طول عمرها جميلة وبهية وبتنبي من جديد // يارب تكون اخر الاحزان // ونعيش في سعادة في العهد الجديد // اللي انا عارفة انة فية رجال مخلصين وشالوا مصر من وحل وطين // بس خلو ا بالكم من الغلابة الشقيانين // علشان ميكنش فية تاني من ولادنا غارقنين // رغم ان الاستقرار والعمار واقفة قصادة ناس بتكرة مصر وعايزة التخريب // لكن احنا فيكم يا مسئولين وفي الخير عشمانين // ونحتسب ولادنا شهداء لقمة العيش // ويارب يامصر يحمكي ويحمي ولادك اللي علي الحدود سهرانين // وكل الايدين اللي بتحبك يا بلدي // ويرحمك ياولدي // ويعوضنا في اولادك خير // بدعي ربي تعلي دايما يا مصر ويحميكي من غربان الظلام // وتكوني دايما في امان // لاني عارف انك عندي اغلي مكان // وارض الحب والحنان // وفيكي الخير جوة كل انسان // ويارب تكون اخر الاحزان //