عام دراسي بليد
محمد ضباشه

تعليمنا ايه وايش يكون?
كل الحكاية حبة ورق
والعلم تايه في البطون
وعليه جيوبنا بتتسرق
والجهل باصص م العيون
علي فكر نوره بيتحرق
لما بقينا سداح مداح
جوه بلدنا بنتجلد
المخرجات بتساوي صفر
والمدخلات ضهر الولد
شايل حمول الاغبيا
ومش لاقي حيطة يتسند
في فصول عينيها مغمضه
ومدرسين نسيوا البلد
ومحتوي الكتب العقيم
في امتحانتكوا بيندلق
يعني تعليم طبيخ
يا ريت ياعمي يتغلق