**(( مركب الموت ...))**
***********************
يامركب الموووت..
جايلك انا برجليا
علشان اجيب القوت..
ولا يخدنى المووت
يامركبى قولى ....
الذنب دا ذنبى ..
ولا المذنب مين
انا اللى ياما الآه
بتتعبنى.....
ولا شفت ايد اتمدتلى..
ولا حتى نظرة عين
كان ليا ارض وجاه
كانت بتضمنى
ارتاح معاها...
لما ايدى تغوص فى الطين
قالوا العلام واتعلمنا..
بدل الشهادة اثنين
ولا فاد علام الورق
ورميت نفسى بالغرق
وضاع العمر واتسرق
نسيت الخالق واللى خلق
رميت نفسى فى حضنها
للمـــــــــــوت
هارب من الظروف
هارب وكلى خوف
خايف من الجوع اموت
نسيت ملك الملكوت
واترميت وسط الموووت
********************
صلاح البرماوى
أعجبني
