قولى
*****
مين مجنى عليه ومين جانى
صوت صراخه بيرن فى ودانى
ولاحد عليه بكى وهو بيقول اه يانى
طول عمره حاضن همومه
تحت جلده ومغطياها هدومه
والوقتى عليه بيعاتبوا ويلوموا
اعمل ايه اموت فيكى
والا اموت وانا مهاجر
قولى ايه يرضيكى
ما بقتشى خلاص قادر
فى الاتنين حرام عليكى
اعيش جوه ابوابك
واعيش اسف فى ترابك
اصل الجفا صابك
وبقيتى كارهه احبابك
والا اشوف غيرك
اصلى ما دوقتش خيرك
امتى بقى يصحى ضميرك
كل يوم نلقى كام ضحيه
الصوره بقت خلاص مش هيه
نبوس ايديكى يا غاليه
ارحمى ولادك شويه
مين عليهم يحن
لو انتى سقياهم اسيه
*******
على حافظ
أعجبني
