*** مولد وصاحبه غايب ******
مولد وصاحبه غايب
مداد يابنك مون
شعر الرضيع بقه شايب
والله يكون ف العون
نفس الوشوش والنصبه
والبومب مع المراجيح
وشعوب تموت بالحصبه
وكلامكم طار ف الريح
حبر وكلام ف سطور
وإعلام على الشاشات
كأنه حفل طهور
زى إللى عدا وفات
وخطاب وداع لأوباما
وكلام كتير معسول
غور فى ألف سلامه
بعدك خداع موصول
والسيسى ويا السبسى
وأبومازن وإبن طلال
نزل ياعم هنا بيبسى
دول بيغيروا الأحوال
ويفوت علينا سنين
والحبر ف الأوراق
وتزيد المبله بطين
فى سوريا والعراق
وطلع الكلام ده فاشوش
وضحك على الدقون
زى إللى باع فانكوش
وإللى صنع ملعون
==================
تحياتى الشاعر عيسى عبد الرؤوف
أعجبنيعرض مزيد من التفاعلاتتعليق
