الجمعيه والحضاره
ليه نتكلم ع الرجعيه
الرجعيه أساس الكون
الرجعيه فيها العفه
فيها الشفه بغير دهون
فيها الحكمه وفيه الكلمه
فيها مغاره وفيها طابون
فيها سنابل وغصنٍ مائل
وسمرا بتساوي مليون
فيها الناي بيد الراعي
بيعزف فيها عالدلعون
الرجعي يزرع بستانه
ما يشكي من وجع سنانه
ولا يوم يطول لسانه
وعرضه دوماً مصيون
الرجعيه الجيل الماضي
فيهم شيخ وفيهم قاضي
ما فيهم بياع أراضي
ولا فيهم واحد مجنون
الرجعيه هيه الأصل
وهيه الها القول الفصل
وهيه الحقته وهيه المصل
انت وخيك بها محقون
الرجعيه ما هيه خرافه
فيها برائه وفيها شفافه
فيها اللي شالك عكتافه
حتاخذ حقك مضمون
الرجعيه يعني شهامه
في منهم عالم علامه
بمضي اكثر أيامه
يزرع في ارضه زيتون
ان كانت هذي الرجعيه
او هذي حياته اليوميه
اعطيني واحد في الميه
من عيشتهم انا ممنون
&&&&&&&&&&&&
الحضاره ما هيه شطاره
ولا تركب أفخم سياره
ولا تسكن في احلا عماره
ولا تجلس فوق البلكون
آيه يعني تروح المريخ
ولا تسجل في التاريخ
ازرع في ارضك بطيخ
افضل لك ما تلف الكون
الحضاره يعني قماجه
فيها سلطه وفخد دجاجه
سلطان. ما عرفوا علاجه
الكيماوي ما هو مضمون
آيه يعني اختراع النت
خرب الولد والبنت
فلوسك عليه بتفت
فوق عيونه حط عيون
مين اللي اخترع الجوال
عليه بتصرف المال
خرب اخلاق العيال
نضفو جبالك بلا صابون
حضارتكم ما حد عاوزه
بالمراسله تتجوزها
شايله من الحلق لوزها
وشا بالحمره مدهون
قرفتونا اللي اسمه حضاره
والست اللابسه ألنظاره
تشرب شيشه وَيَا سيجاره
واللي تتعاطا افيون
حضاره فساد اخلاق
صدري من الوضع ضاق
ساق الله يوم الفراق
الحضاره خراب الكون