فرحة العيد ..اشعار محمود طنطاوي
يا فرحة العيد النهارده ربنا يديمك لنا
وتبقى فرحه منوره عندنا طول السنه
تمسحى دمعه حزين تسعدى قلب انكسر
مهما ان حصل فى العيد نسامح بعضنا
مهما حصل يارب توصل ودنا
واشوف حبايبى منورين
اللى حاضر واللى غاب
قلبى يسعهم كلهم ويضمهم
مهما حصل قلبى بيعشق ودهم
هى تبقى الفرحه فرحه لو مكنش هناك ونيس
والاقارب والحبايب والصحاب
هم دول احسن جليس
يارب يبقى العيد سعيد
على الحبايب كلهم
اللى حاضر واللى غايب
يارب فرحه تضمهم