لو كنت قبل ما أتولد
قالولى إختارلك بلد
وحبلى موصول جوا بطنى
كنت إختارتك يا وطنى
مهما قالوا وحذرونى
وشفت الجنه وخيرونى
كنت اقول سيبونى أنزل
وطنى هوا أحب منزل
لو كرهونى مش هكرهك
وازعق بصوتى واندهك
أنا دمى من مية نيلك
وطينتى من أرضك وطينك
بحب لونك واحب شكلك
مهما يحكوا عن مشاكلك
واعيش عمرى بيك فخور
مش ممكن اضعف أو أخور
يكفينى على أرضك أعيش
وانام فى ضلك مشتكيش
وكل همى وكل حرصى
أتفاخر واقول أنا مصرى
منير خاطر
